Author: Amrit Baskune

नेपाल कम्युनिष्ट पार्टीका संस्थापक महासचिव स्वर्गीय पुष्पलालको सम्झनामा डकुमेन्ट्री प्रदर्शन कार्यक्रम सम्पन्न भएको छ । नेकपा एमाले जिल्ला कमिटी म्याग्दीको आयोजनामा बुधवार पुष्पलाल स्मृति दिवसको अवसर पारेर नेपालमा कम्युनिष्ट आन्दोलनको डकुमेन्ट्री प्रदर्शन गरिएको हो । ‘दक्षिणपन्थी अवसरवाद र सङ्गठनात्मक अराजकतालाई अन्त्य गरौं, जबजको मार्गदर्शनमा समाजवादको आधार निर्माण गरौं’ भन्ने मूल नारासहित म्याग्दी सदरमुकाम बेनीबजारस्थित वीरेन्द्रचोकमा पुष्पलालको स्मृति दिवसमा नेपालमा कम्युनिष्ट आन्दोलनको भिडियो डकुमेन्ट्री प्रदर्शन गरिएको एमाले म्याग्दीले जनाएको छ । उक्त डकुमेन्ट्री बेनीको वीरेन्द्रचोकमा हिजो साँझ साढे ६ बजेदेखि प्रदर्शन गरिएको थियो । कम्युनिष्ट पार्टी स्थापनाको ७५औं वर्षगाँठको अवसर पारेर पार्टी केन्द्रले निर्माण गरेको नेपालमा कम्युनिष्ट आन्दोलनको इतिहासदेखि वर्तमानसम्मको भिडियो…

अमृत बास्कुने संघीय खानेपानी तथा ढल ब्यवस्थापन आयोजनाको कार्यालयलाई यथावत राख्न माग गर्दै म्याग्दीका राजनैतिक दलहरुले प्रधानमन्त्री केपी शर्मा ओलीलाइ संयुक्त रुपमा मागपत्र बुझाएका छन् । हिमाली जिल्ला म्याग्दीका राजनीतिक दल तथा जनप्रतिनिधीहरुले संयुक्त रुपमा प्रधानमन्त्री केपी शर्मा ओलीलाई आइतबार मागपत्र बुझाएका हुन् । संघिय खानेपानी कार्यालय म्याग्दीबाट स्थान्तरण हुने भए पछि म्याग्दीमा सञ्चालित आयोजना प्रभावित हुने र थप योजनाका लागि समेत कार्यालय स्थानान्तर हुदाँ समस्या हुने भएकाले कार्यालयलाई बेनीमै राख्नु पर्ने माग गरिएको हो । मागपत्र बुझाउन खानेपानी, जलस्रोत तथा सिचाई राज्यमन्त्री एवम् प्रतिनिधिसभा सदस्य खमबहादुर गर्बुजा, नेकपा एमालेकी स्थायी कमिटी सदस्य एवम् पूर्व मन्त्री थममायाँ थापा, नेकपा एमालेका…

अमृत बास्कुने रघुगंगा गाउँपालिकाको आयोजनामा खोपबाट बचाउन सकिने रोगहरुको रोकथाम, नियन्त्रण, निवारण र उन्मुलनका लागि खोपबाट बचाउन सकिने रोगहरुको सर्भिलेन्स, नमुना संकलन र व्यवस्थित ढुवानी कार्यका लागि स्वास्थ्यकर्मीहरुलाई अभिमुखिकरण गरिएको छ । गाउँपालिका भित्र रहेका स्वास्थ्य संस्थाहरुबाट प्रतिनिधित्व गर्दै सहभागी रहेकाहरुलाई खोपबाट बचाउन सकिने रोगहरुको रोकथाम लगायतका विषयमा विश्व स्वास्थ्य संगठनको पोखरा कार्यालयकी डा.स्मृती लामाले सहजीकरण गर्नुभएको थियो । गाउँपालिकामा खोपबाट बचाउन सकिने रोगहरुको नियन्त्रण, निवारण र उन्मुलनको लागि रोगहरुको खोजपड्ताल तथा निगरानीलाई तिब्रता दिने हेतुले कार्यक्रमको आयोजना गरिएको बताइएको थियो । त्यस्तै खोजड्ताल तथा निगरानी एवम् नमूना संकलन र ढुवानी जस्ता कार्यहरु एकिकृत रुपमा सञ्चालन गर्न सहज होस भनेर…

अमृत बास्कुने सनातन गौ संरक्षण अभियान युएईको आयोजनामा आयोजित “सनातन धर्ममा गौ” शीर्षक भर्चुअल वक्तृत्वकला प्रतियोगिता भव्य र सफल रूपमा सम्पन्न भएको छ । सनातन धर्मावलम्बीहरुको बिश्वभरबाट प्रत्यक्ष तथा अप्रत्यक्ष रुपमा सहभागीता रहेको यस कार्यक्रमको मुख्य उद्देश्य भनेकै सनातन संस्कार, गौ संरक्षण तथा गुरुकुल परम्पराको जगेर्ना र प्रवर्द्धन गर्नु रहेको थियो । कार्यक्रम संस्थाका अध्यक्ष सागर दाहालको अध्यक्षतामा तथा अन्तर्राष्ट्रिय आध्यात्मिक व्यक्तित्व डा. चिन्तामणीनाथ योगीको प्रमुख आतिथ्यमा कार्यक्रम सम्पन्न भएको थियो । वक्तृत्वकला प्रतियोगिता कार्यक्रमको संयोजन संस्थाकी संरक्षक पार्वता सिग्देलले गर्नु भएको थियो भने संचालनको जिम्मेवारी संस्थापक सदस्य गोपाल पराजुलीले सफलतापूर्वक निर्वाह गर्नुभएको थियो । कार्यक्रममा विशिष्ट अतिथिका रूपमा विष्णुप्रसाद…

अमृत बास्कुने सनातन गौ संरक्षण समिति युएइले आयोजना गरेको सनातन धर्ममा गौ विषयक बक्तृत्वकला प्रतियोगितामा आँचल बसेल बिजयी हुनुभएको छ । खुल्ला विश्वब्यापी रुपमा आयोजित उक्त प्रतियोगितामा काठमाडौं गौरीघाटमा रहेको भेग गुरुकुलकी बसेल बिजयी हुनुभएको हो । त्यस्तै सैनामैना सेकेण्डरी स्कुलका दर्शन ज्ञावालीले दोश्रो र गण्डकी बोर्डीङ स्कुलका अभिशेक खनालले तेश्रो स्थान हासिल गर्नुभएको छ । त्यस्तै पुजा न्यौपाने बुद्ध आदर्श स्कुल झापा, सुमिना भण्डारी राष्टिय सरस्वती मावि बर्दिवास, रचना भट्टराइ नारायणी गण्डकी स्कुल सुस्ता, मञ्जिला तिमिल्सिना र बलप्रसाद भट्टराइ महर्सी गुरुकुल पोखराले सान्त्वना स्थान हासील गर्नुभएको सनातन गौ संरक्षण समिति युएइका अध्यक्ष सागर दाहालले जानकारी दिनुभयो । प्रदेशमा रहेर…

बेनीमा सम्पन्न खुल्ला फुटसल प्रतियोगिताको उपाधि म्याग्दी वर्कसपले हात पारेको छ । बेनीमा आयोजना गरिएको खुल्ला पुरुष फुटसल, महिला फुटसल तथा १३ वर्ष मुनिको फुटसल शनिबार सम्पन्न भएको हो । प्रतियोगितामा पुरुष तर्फ टिम पुरणलाई पराजित गर्दै म्याग्दी वर्कसपले उपाधि हात पारेको हो । त्यस्तै महिला फुटसलमा पनि म्याग्दी वर्कसपले टिम पुरनलाई पराजित गर्दै उपाधिमाथी कब्जा जमायो । १३ वर्ष मुनिको जुनियर फुटसलमा जेपीसी दरवाङले बेनी बोर्डीङलाइ पराजित गर्दै उपाधि आफ्नो कब्जामा पारेको छ । खुल्ला पुरुष फुटसल प्रतियोगितामा पहिलो हुनेले ३० हजार तीन सय ३३, दोश्रो हुनेले १५ हजार पाँच सय ५५, १३ वर्ष मुनिको जुनियर फुटसलको बिजेताले १०…

नेपाली राष्ट्रिय टोलीकी मिडफिल्डर प्रीति राईले जोर्डनको क्लबबाट व्यावसायिक लिग खेल्ने भएकी छन्। उनलाई एएफसी च्याम्पियनसिप लिग २०२५/०२६ को प्रारम्भिक चरणका लागि अल इत्तिहाद क्लबले अनुबन्ध गरेको विभागीय टोली एपिएफ क्लबका एक पदाधिकारीले बताएका हुन्। उनी हालसम्म एपिएफ क्लबमा आबद्ध थिइन्। एक पदाधिकारीले खेलपाटीसँग भने,‘हो, पक्का भइसकेको छ। सबै कुरा क्लबले पछि सार्वजनिक गर्छ।’ एपिएफ क्लबका मुख्य प्रशिक्षक जीवेशकुमार पाण्डेका अनुसार उनले शुक्रबार जोर्डन जान राष्ट्रिय खेलकुद परिषद् (राखेप)बाट अनुमति लिएकी थिइन्। पाण्डेले खेलपाटीसँग भने,‘क्लबसँग एक चरणमा कुरा भएको थियो। अब आइतबार फस्ट आवरमा प्रहरी महानिरीक्षक (आइजी) साबलाई रिपोर्ट गर्ने तयारी गरेका छौं।’ उनका अनुसार आइजीले स्वीकृति दिएपछि मात्रै उनी जोर्डन प्रस्थान गर्नेछिन्। उनले भने,…

यही आउदो भदौ दोस्रो साता बेनी नगरपालिका ५ चुत्रेनीमा महिला तथा पुरुष फुटबल प्रतियोगिता हुने भएको छ । चुत्रेनीमा रहेको द मुनसुन युवा क्लबको आयोजनामा मुनसन कप खुल्ला ९ए साइड खुल्ला पुरुष तथा ५ए साइड महिला फुटबल प्रतियोगिता हुने भएको हो । भदौ १० देखि १५सम्म हुने प्रतियोगिताको पुरुष तर्फ पहिलो हुनेले एक लाख नगद साथै ट्रफि, मेडल र प्रमाणपत्र प्राप्त गर्नेछन् । त्यस्तै दोश्रो हुनेले ५० हजार नगद सहित ट्रफि, मेडल र प्रमाणपत्र प्राप्त गर्ने क्लब अध्यक्ष दिनेश बानियाँले जानकारी दिनुभयो । उहाँका अनुसार अनुसासित टिमलाई १० हजार, उत्कृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट फरवार्ड, उत्कृष्ट मिडफिल्डर, उच्च…

गण्डकी प्रदेशकी खेलाडी रिक्जना बोटे दोस्रो संस्करणको एभरेष्ट महिला भलिबल लिगका लागि लुम्बिनी लाभाजमा अनुबन्ध भएकी छन् । आज भएको अक्सनमार्फत रिक्जनलाई लुम्बिनीले टिममा अनुबन्ध गरेको हो । गत असारमा नेकोस कप राष्ट्रिय महिला भलिबल प्रतियोगितामा गण्डकी प्रदेश चौथो हुँदा रिक्जना प्रतियोगिताकै उदीयमान खेलाडी घोषित भएकी थिइन् । अक्सनमार्फत ४२ खेलाडी अनुबन्ध हुँदा गण्डकी प्रदेशको टिमबाट रिक्जना मात्रै परेकी हुन् । केही वर्षअघिसम्म बलियो रहेको गण्डकी प्रदेशको भलिबल टोली पछिल्लो समय गुमनाम जस्तो अवस्थामा छ । गण्डकी प्रदेश महिला भलिबल प्रशिक्षक मलिन रोका र राष्ट्रिय महिला भलिबल टिमकी कप्तान अरुणा शाहीको अग्रसरतामा गण्डकीले पछिल्ला केही राष्ट्रिय भलिबल प्रतियोगितामा सहभागिता जनाउन…

हाल देशभर मनसुनी वायुको प्रभाव रहेको तथा भारतको उत्तरप्रदेश आसपास रहेको न्यूनचापीय क्षेत्रको प्रभाव रहेको छ । मनसुनको न्यूनचापीय रेखा सरदर स्थानको आसपास रहेको जल तथा मौसम पूर्वानुमान महाशाखाले जनाएको छ । आज दिउँसो देशभर साधारणतया बदली रहने छभने वाग्मती, गण्डकी, लुम्बिनी , कर्णाली र सुदूरपश्चिम प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ । महाशाखाका अनुसार वाग्मती, गण्डकी, लुम्बिनी, कर्णाली र सुदूरपश्चिम प्रदेशका एकदुई स्थानमा भारी वर्षा हुनसक्ने छ । देशका उच्चपहाडी तथा हिमाली भागका केही स्थानमा हल्कादेखि मध्यम वर्षा र हिमपातको सम्भावना छ । लुम्बिनी र सुदूरपश्चिम प्रदेशका तराई भेगका केही स्थानमा हुरी चल्ने सम्भावना छ…