Author: Amrit Baskune

म्याग्दी चौँथो बौद्ध कप–२०८३ अन्तर्गत दोस्रो दिन पाँच खेल सम्पन्न भएका छन्। म्याग्दीको खुल्ला मञ्चमा जारी प्रतियोगितामा एभरग्रीन एफसी बेनी, द मुनसुन एफसी, कालीपुल युनाइटेड, रिभरसाइड एफसी र आयोजक बौद्ध युवा क्लब निलोले जित दर्ता गरेका छन्। दिनको पहिलो खेलमा एभरग्रीन एफसी बेनीले बागलुङ युनिटी बागलुङलाई २–० गोलले पराजित गर्‍यो। एभरग्रीनका लागि योगेश पुन र पवन खत्रीले गोल गरे। उत्कृष्ट प्रदर्शन गरेका निराजन खत्री प्लेयर अफ द म्याच घोषित भए। दोस्रो खेलमा द मुनसुन एफसीले म्याग्दी प्रहरीलाई २–१ गोलले हरायो। मुनसुनका लागि वैकल्पिक खेलाडीका रूपमा मैदान प्रवेश गरेका प्रज्वल बानियाँ र सञ्जय राजबहाकले गोल गरे। सञ्जयले फ्रिकिकमार्फत उत्कृष्ट गोल गरेका…

तिहार पर्व नजिकिएसँगै म्याग्दीको बेनी बजारमा परम्परागत परिकार झिनिया रोटीको माग बढेको छ । चाडपर्वलाई लक्षित गरी झिनिया उत्पादन गर्दै आएका बेनीका उद्यमीलाई मागअनुसार उत्पादन गर्न भ्याइनभ्याई भएको छ । घरपरिवारका सदस्यसँगै श्रमिक परिचालन गरेर उद्यमीहरू झिनिया बनाउन व्यस्त भएका छन् । नेपाली मौलिक परिकारमध्ये झिनियालाई झिलिङ्गा रोटी पनि भन्ने गरिन्छ । चामलको पिठोबाट बनाइने झिनिया तिहारमा विशेष रूपमा प्रयोग हुन्छ । हेर्दा आकर्षक र खान स्वादिलो हुने भएकाले तिहार नजिकिएसँगै बेनी बजारमा यसको बिक्री बढेको हो । तिहारमा दाजुभाइ तथा दिदीबहिनीबीच आत्मीयता साटासाट गर्ने र पाहुनालाई सत्कार गर्ने क्रममा झिनिया रोटीको माग हुने गरेको बेनी नगरपालिका–७ की टकसरा रानाले…

अमृत बास्कुने, म्याग्दी कार्तिक १८ गते । बेनीमा कात्तिक १८ गते बुधबारदेखि सञ्चालन हुन लागेको चौथो बौद्ध कप फुटबल प्रतियोगिता–२०८३ को सम्पूर्ण तयारी पूरा भएको छ । बेनी नगरपालिका–७ मंगलाघाटस्थित बौद्ध युवा क्लबको आयोजनामा बेनीको खुलामञ्चमा पाँच दिनसम्म सञ्चालन हुने प्रतियोगितामा विजेताले दुई लाख २२ हजार दुई सय २२ रुपैयाँ नगद पुरस्कार प्राप्त गर्नेछन् । धवलागिरि क्षेत्रका चार जिल्ला बागलुङ, म्याग्दी, पर्वत र मुस्ताङमा हालसम्म आयोजना भएका फुटबल प्रतियोगितामध्ये बौद्ध कपको पुरस्कार राशि सर्वाधिक रहेको आयोजकको दाबी छ । मंगलबार आयोजित पत्रकार सम्मेलनमा क्लबका अध्यक्ष दुर्गा बुढामगरले प्रतियोगितालाई भव्य र व्यवस्थित रूपमा सञ्चालन गर्न आवश्यक तयारी पूरा भएको जानकारी दिए…

नेपालमा पछिल्ला केही दिनमा देखिएको घटनाक्रमले लोकतन्त्रका आधारभूत स्तम्भहरूमाथि गम्भीर आघात पुर्‍याएको छ। प्रहरीले सादा पोसाकमा समाचार कक्षमै प्रवेश गरी पत्रकारहरूलाई नियन्त्रणमा लिएको घटनाले प्रेस स्वतन्त्रताको रक्षा गर्ने संविधानको भावनालाई नै चुनौती दिएको छ। यस्ता कार्यहरूले सरकारको लोकतान्त्रिक प्रतिबद्धतामाथि गहिरो प्रश्न चिह्न खडा गरेका छन्। शुक्रबार काठमाडौंका विभिन्न सञ्चारगृहमा प्रहरी पुगेर पत्रकार विश्वमणि सुवेदी, शोभराज बराल, धीरज बस्नेतलगायतलाई समाचार कक्षबाटै नियन्त्रणमा लिएको थियो। नयाँ पत्रिका दैनिक र दियोपोस्टका कार्यालयमा पनि प्रहरी टोली पुगेर पत्रकार खोजेको थियो। यी कार्यहरू पक्राउ पुर्जी नदेखाई, अदालतको अनुमति नलिई र स्पष्ट कानुनी आधार नखुलाई गरिएका थिए। समाचार प्रकाशित गरेकै आधारमा पत्रकारलाई नियन्त्रणमा लिनु भनेको प्रेस…

ध्रुवसागर शर्मा निजी तथा संस्थागत विद्यालयमा शिक्षकका रूपमा काम गर्न थालेको मेरो यात्रा २०५३ सालदेखि सुरु भएको हो। त्यसबेलादेखि आजसम्म अर्थात् २०८३ सालसम्म निरन्तर यही क्षेत्रमा रहेर शिक्षण गर्दै आएको छु। यश बिचमा मैले सातवटा शिक्षण संस्था ( निजी तथा संस्थागत विद्यालय) मा अध्यापन गरें । यस अवधिमा मैले संस्थागत विद्यालयको विकास, विस्तार, उपलब्धि र चुनौतीलाई नजिकबाट नियाल्ने अवसर पाएको छु। २०५३ सालतिर बोर्डिङ स्कुलमा पढाउनु आफैँमा गर्व र प्रतिष्ठाको विषय थियो। समाजले संस्थागत विद्यालयका शिक्षकलाई फरक सम्मानका साथ हेर्थ्यो। शिक्षक हुनु मात्र होइन, बोर्डिङ स्कुलमा पढाउने शिक्षक हुनु पनि सामाजिक प्रतिष्ठासँग जोडिएको थियो। समयक्रमसँगै संस्थागत विद्यालयको संख्या बढ्यो, शैक्षिक…

हाल देशमा बङ्गालको खाडीमा विकसित चक्रवात “अर्नब” को अवशेषका साथै पश्चिमी वायुको पनि आंशिक प्रभाव रहेको छ। आज अपराह्नदेखि भने यसको प्रभाव क्रमिक रुपमा कम हुने मौसम पूर्वानुमान महाशाखाले जनाएको छ । हाल देशभर अधिकांश स्थानमा बादल लागेको छ। कोशी, मधेस, बागमती, गण्डकी र लुम्बिनी प्रदेशका धेरै स्थानहरूमा मध्यमसम्मको वर्षा तथा कर्णाली र सुदूरपश्चिम प्रदेशका केही स्थानहरूमा हल्का वर्षा भइरहेको छ । आज दिउँसो कोशी, मधेस, बागमती, गण्डकी, लुम्बिनी र कर्णाली प्रदेशमा अधिकांश बादल लाग्नेछ । सुदूरपश्चिम प्रदेशमा साधारणतया बादल लाग्नेछ। कोशी, मधेस र बागमती प्रदेशका धेरै स्थान, गण्डकी प्रदेशको केही स्थानमा तथा लुम्बिनी, कर्णाली  र सुदूरपश्चिम प्रदेशको हिमाली र…

 पश्चिम म्याग्दीको मालिका गाउँपालिका–६, दरबाङमा सम्पन्न ‘आठौँ पश्चिम म्याग्दी कप–२०८३’ सेभेन ए साइड फुटबल प्रतियोगिताको उपाधि आयोजकले हात पारेको छ । पश्चिम म्याग्दी दरबाङ युथ क्लबको आयोजनामा गत शनिबारदेखि सुरु भएको प्रतियोगितामा २५ टिम सहभागी थिए । प्रतियोगिताको फाइनलमा पश्चिम म्याग्दी युवा क्लब ए ले वि लाई दुई शुन्य गोल अन्तरले पराजित गर्दै उपाधि हात पारेको हो । प्रतियोगिताको पहिलो सेमीफाइनलमा पश्चिम म्याग्दी युवा क्लब ए ले निस्कोट बेसी युवा क्लबलाई तथा दोश्रो सेमीफाइनलमा पश्चिम म्याग्दी युवा क्लब बि ले बिमबाङ युवा क्लब बिमबाङलाई पराजित गर्दै फाइनलमा स्थान बनाएका थिए । प्रतियोगितामा प्रथम हुने टिमले एक लाख ११ हजार १११…

उपाधि रक्षा अभियानमा रहेको लुम्बिनी लाइन्सले सोमबार पहिलो खेलमा सुदूरपश्चिम रोयल्सलाई सात विकेटले हराएर तेस्रो नेपाल प्रिमियर लिग (एनपिएल) मा शानदार सुरुवात गरेको छ । गत वर्ष लुम्बिनी लायन्स सुदूरपश्चिम रोयल्सलाई नै फाइनलमा निराश पारेर च्याम्पियन बनेको थियो । त्रिभुवन अन्तर्राष्ट्रिय क्रिकेट रंगशालामा टस हारेपछि पहिले ब्याटिङ गरेको सुदूरपश्चिम रोयल्स १७ं.२ ओभरमै ८७ रनमा अलआउट भएको थियो । लुम्बिनीले ९.५ ओभरमै ८८ रन बनाएर सजिलै लक्ष्य प्राप्त गर्यो । गत संस्करणको फाइनलमा पनि लुम्बिनीले सुदूरपश्चिमलाई पाँच बलअघि नै ८५ रनमै सीमित पारेको थियो । तेज बलर किशोर महतो र लेग स्पीनर शेर मल्लले मिलेर सात विकेट लिएपछि लुम्बिनीको पालि धराशायी…

दसैंंमा मुस्ताङबाट ३६ करोडभन्दा बढी मूल्य बराबरको भेडाच्याङ्ग्रा बिक्री भएको छ । मुस्ताङका पाँच वटा स्थानीय तहका कृषकले पालेका र कर्णाली प्रदेशको डोल्पा, मुगु र हुम्ला जिल्लाबाट ल्याइएको १३ हजार ९५० वटा भेडाच्याङ्ग्रा बिक्री भएको हो । यस बर्ष मुस्ताङका कृषकले सात हजार नौ सय ६४ च्याङ्ग्रा, १२ सय ४ भेडा (च्यालुक), डोल्पाबाट ३५ सय ५१ भेडाच्याङ्ग्रा, मुगुबाट भेडाच्याङ्ग्रा दुई सय ६० गोटा, जुम्लाबाट तीन सय, तिब्बतहुँदै  कोरला नाकाबाट चार सय ३८ च्याङ्ग्रा मुस्ताङ हुँदै  बाहिरिएको कृषि तथा पशु विकास कार्यालय मुस्ताङका कार्यालय प्रमुख डा.लालमणी अर्यालले बताउनुभयो । प्रमुख डा.अर्याल भन्नुहुन्छ,‘‘दसैंमा उत्साहजनक बिक्री भएको छ, बाँकी रहेको तिहारलाई लक्षित गरी…

प्राकृतिक विपद् र सडक अवरोधका कारण केही समय सुनसान बनेको हिमाली जिल्ला मुस्ताङमा दशैंलगत्तै पर्यटकीय चहलपहल बढेको छ। बाढी पहिरोले बेनी-जोमसोम सडकमार्ग प्रभावित हुँदा घटेको पर्यटकको आगमन दशैंको टीकापछि भने बढ्न थालेको हो। यस वर्ष बाढीपहिरोका कारण पर्यटन प्रभावित हुँदा साउनमा ३० हजार ५३४, भदौमा २० हजार २६८ र असोजमा १८ हजार ६०१ जना पर्यटक मुस्ताङ भित्रिएका थिए। रसुवाको भोटेकोशीमा आएको विनाशकारी बाढी र गत असोज ११ गतेको भारी वर्षाका कारण बाढी पहिरो र नदी कटानले मुस्ताङ जोड्ने (बेनी-जोमसोम) सडकमार्ग पूर्ण रूपमा अवरुद्ध हुँदा मुस्ताङमा पर्यटकको आगमन सङ्ख्या घटेको थियो। यसवर्ष घटस्थापनादेखि विजया दशमीको दिनसम्म बेनी-जोमसोम सडकमार्गबाट पाँच हजार ६६३…