Author: Amrit Baskune

बेनी नगरपालिका म्याग्दीको आयोजनामा बुधवार सदरमुकाम बेनीमा सार्वजनिक सुनुवाइ कार्यक्रम सम्पन्न भएको छ । ‘शिक्षा, स्वास्थ्य, कृषि, पर्यटन र पूर्वाधार ः स्वच्छ, समृद्ध बेनी नगरको मूल आधार’ भन्ने नारासहित सार्वजनिक सुनुवाइ कार्यक्रममार्फत सर्वसाधारण नागरिकहरुको गुनासो, सुझाव र अपेक्षा सम्बोधन गरिएको हो । गएको आर्थिक वर्ष २०८२÷०८३ को तेस्रो चौमासिक अवधिसम्म भए गरेका विकास निर्माण तथा सेवा प्रवाहको सम्बन्धमा सार्वजनिक सुनुवाइ कार्यक्रम आयोजना गरिएको बेनी नगरपालिकाले जनाएको छ । सार्वजनिक सुनुवाइ कार्यक्रममा गत आवमा सञ्चालित योजना तथा कार्यक्रम र सम्पादित कामहरुको बारेमा बेनी नगरपालिकाका प्रमुख प्रशासकीय अधिकृत अर्जुन शर्माले प्रस्तुतीकरण गर्नुभएको थियो । गतवर्ष कुल ७४ करोड ४६ लाख ३७ हजार…

बेनी नगरपालिका–७,महारानीथानमा अवस्थित माउण्ट एभरेष्ट आवासीय माविमा अध्ययनरत अमृता र सुस्मिता किसानलाई अमेरिकाबाट समाजसेवी सबी थापा,इन्द्र थापाले आवासीय सुविधासहित उच्च शिक्षा पढ्न आवश्यक बार्षिक डेढ लाख सहयोग गरेका छन् । समाजसेवी थापाले अमृतालाई बि.स २०७० सालमा पहिलोपटक सहयोग गरेपछि विद्यालय प्रवेश गरेकी थिइन् । चरम गरिबीकै कारण आमाले आत्महत्या गरेपछि बेनी नगरपालिका–४, थामडाँडा घर भई हाल अमेरिकामा रहेकी इशा फाउण्डेशनका संस्थापक थापा दम्पत्तीले अक्षर चिन्ने अवसर पाएकी अमृता र सुस्मितालाई शैक्षिक पोशाक, साम्रागी बाहेक विद्यालयलाई बार्षिक १ लाख ५०हजारमा अभिभावकत्व ग्रहण गरेको फाउण्डेशनकी म्याग्दी प्रतिनिधि चन्द्रा घले गुरूङले बताइन् । ‘दिदीबहिनीलाई पनि सहयोग आवश्यकता परेपछि दुईबर्ष देखि पढाइरहनुभएको छ, सडकबाट…

फिफा विश्वकप २०२६ को गोल्डेन बुटको दौडमा अर्जेन्टिनाका कप्तान लियोनल मेसी शीर्षस्थानमा उक्लिएका छन्। सेमिफाइनलमा इंग्ल्यान्डविरुद्ध दुई असिस्ट गर्दै मेसीले प्रतियोगितामा आफ्नो योगदानलाई अझ मजबुत बनाएका हुन्। मेसी र फ्रान्सका कप्तान किलियन एमबाप्पे दुवैले ८-८ गोल गरेका छन्। तर मेसीको नाममा ४ असिस्ट रहेकाले उनी गोल्डेन बुटको दौडमा एमबाप्पेभन्दा अगाडि छन्। हाल मेसीको नाममा ८ गोल र ४ असिस्ट छन् भने एमबाप्पेको नाममा ८ गोल र ३ असिस्ट छन्। यस आधारमा गोल्डेन बुटको होडमा मेसी बलियो अवस्थामा छन्। यता, अर्जेन्टिनालाई फाइनलसम्म पुर्‍याउन उत्कृष्ट प्रदर्शन गरेका मेसी गोल्डेन बल (सर्वोत्कृष्ट खेलाडी) का पनि प्रमुख दाबेदार बनेका छन्। अब फाइनलमा उनको प्रदर्शनले…

अमृत बास्कुने हातले धनुषको प्रत्यञ्चा(धनुको डोरी) विस्तारै तान्छ । आँखा लक्ष्यको केन्द्रमा अडिन्छ । शरीर स्थिर हुन्छ । वरिपरि केही क्षण सन्नाटा छाउँछ । त्यसपछि औँलाबाट फुत्किएको तीरले हावालाई चिर्दै आफ्नो गन्तव्य समाउँछ । लक्ष्यको केन्द्रमा पुगेर तीर गाडिने बित्तिकै वरिपरिबाट तालीको गडगडाहट सुनिन्छ । अनुभवी खेलाडी मुस्कुराउँछन् । नयाँ पुस्ताले सिक्ने उत्साह देखाउँछन् । वृद्धहरूले आफ्ना पुर्खाको सम्झना गर्छन् । यो दृश्य कुनै अन्तर्राष्ट्रिय आर्चरी प्रतियोगिताको मात्र होइन । यो नेपालको हिमाली सभ्यताभित्र अझै जीवित रहेको एउटा प्राचीन सांस्कृतिक अभ्यासको दृश्य हो । थकाली समुदायले यसलाई आज पनि ‘तारा हान्ने’ भन्छ । विश्वले आधुनिक खेलका रूपमा स्वीकार गरेको आर्चरी…

सरकारले प्रेस काउन्सिल नेपालको अध्यक्षमा पत्रकार तथा फ्याक्टचेकर उमेश श्रेष्ठलाई नियुक्त गर्ने निर्णय गरेको छ। श्रेष्ठलाई सोमबार बसेको मन्त्रिपरिषद् बैठकले काउन्सिलमा नियुक्तिको निर्णय गरेको हो। उनलाई सञ्चारमन्त्रीले नियुक्ति पत्र समेत दिइसकेका छन्। छापा, टेलिभिजनहुँदै अनलाइन पत्रकारितामा सक्रिय श्रेष्ठ, ब्लगरसँगै पछिल्लो समय फ्याक्टचेकर र पत्रकारिताको प्रशिक्षणको रूपमा सक्रिय थिए। उनी माइसंसार डटकममार्फत निरन्तर ब्लगिङमा सक्रिय छन्। पहिलोपोस्टको सम्पादकको रुपमा श्रेष्ठले किशोरी निर्मला पन्तको बलात्कार र हत्या घटनाको खोजमूलक रिपोर्टिङ गरेका थिए। श्रेष्ठले उकेरामा हालसम्म बेपत्ता रहेको छोरीमैँया महर्जनबारे विस्तृत रिपोर्टिङ गरेका थिए। उकेरा डटकमबाट साभार

अर्जेन्टिनाका कप्तान लियोनेल मेस्सीले फिफा विश्वकप इतिहासमा सर्वाधिक असिस्ट गर्ने खेलाडीको कीर्तिमान बनाएका छन्। स्विट्जरल्यान्डविरुद्धको क्वार्टरफाइनलमा एलेक्सिस म्याक एलिस्टरको गोलका लागि निर्णायक पास दिएसँगै मेस्सीले विश्वकपमा आफ्नो असिस्ट संख्या १० पुर्‍याएका हुन्। यससँगै उनले अर्जेन्टिनी महान् खेलाडी डिएगो म्याराडोनालाई पछि पार्दै नयाँ इतिहास रचे। यसअघि म्याराडोनाको नाममा ८ असिस्ट रहेको थियो। जर्मनीका पिएर लिटबार्स्की र पोल्यान्डका ग्रेजगोर्ज लाटोको नाममा समान ७–७ असिस्ट छन्। ३९ वर्षीय मेस्सीले गोलसँगै टोलीका लागि अवसर सिर्जना गर्ने क्षमतामा पनि आफू विश्व फुटबलकै महान् खेलाडीमध्ये एक भएको फेरि प्रमाणित गरेका छन्।

जुड बेलिंघमकाे दुई गोलकाे मद्दतमा नर्वेमाथि पुनरागमन जित निकाल्दै इंग्ल्यान्ड फिफा विश्वकप २०२६ को सेमिफाइनलमा प्रवेश गरेको छ । मियामी स्टेडियममा आइतबार बिहान भएको खेलमा नर्वेलाई २–१ ले पराजित गर्दै इंग्ल्यान्डले ८ वर्षपछि सेमिफाइनमा प्रवेश गरेको हो । पहिलोपटक क्वार्टरफाइनलमा पुगेको नर्वेले सुरुवाति अग्रता जोगाउन नसक्दा प्रतियोगिताबाट बाहिरिन पुग्यो । खेलको ३६औं मिनेटमा एन्ड्रियास स्केल्डरअपले गोल गर्दै नर्वेलाई अग्रता दिलाएका थिए । नर्वेले त्यसलाई जोगाउन सकेन । त्यसको ११ मिनेटपछि पहिलो हाफको इन्जुरी समयमा इंग्ल्यान्डका जुड बेलिंघमले बराबरी गोल फर्काए । दोस्रो हाफका दुवैतर्फबाट गोल हुन सकेन र खेल अतिरिक्त समयमा धकेलियो । अतिरिक्त समयको तेस्रो मिनेटमा बेलिंघमले व्यक्तिगत दोस्रो गोल…

गण्डकी प्रदेश सरकार, मुख्यमन्त्री तथा मन्त्रिपरिषद्को कार्यालयले चलचित्र निर्देशक, वृत्तचित्र निर्माता तथा सञ्चारकर्मी भुपेन्द्र बानियाँलाई गण्डकी प्रज्ञा प्रतिष्ठानको प्राज्ञ सभा सदस्यमा मनोनयन गरेको छ। गण्डकी प्रज्ञा प्रतिष्ठान ऐन, २०७६ बमोजिम माननीय मुख्यमन्त्रीज्यूको असार २२ गतेको निर्णयअनुसार चार वर्षका लागि मनोनयन गरिएका बानियाँले बिहीबार (असार २५ गते) गण्डकी प्रज्ञा प्रतिष्ठानको भानु सभाहल, पोखरामा आयोजित एक विशेष समारोहका बीच पद तथा गोपनीयताको शपथ ग्रहण गरेका छन्। प्रतिष्ठानका कुलपति कुसुमाकर न्यौपानेको अध्यक्षतामा सम्पन्न कार्यक्रममा नवमनोनीत प्राज्ञ सभा सदस्यहरूको पदस्थापनसमेत गरिएको थियो। म्याग्दीको बेनी नगरपालिका–६ स्थायी घर भई हाल पोखरा महानगरपालिका–९, चिप्लेढुङ्गा निवासी बानियाँ विगत डेढ दशकदेखि चलचित्र, वृत्तचित्र, फोटोग्राफी, दृश्य–श्रव्य सञ्चार तथा सांस्कृतिक…

गणेश नेपालीको शरीरसंगै जलेको थियो राज्यको नागरिकप्रतिको उत्तरदायित्व पनि। उसकाे शरीरको धुवाँ आकाशतिर हाेइन सिधै सत्ताका ढोकाहरूमा ठोक्किँदै राज्यलाई सोधिरह्यो— “कति गहिरो हुनुपर्छ एउटा नागरिकको पीडा तिम्रो कानसम्म पुग्न?” देश भूकम्पले मात्र ढल्दैन नागरिकको विश्वास भत्किँदा पनि ढल्छ। यदि आफ्नो पीडाभन्दा आगोमाथि बढी विश्वास हुन थाल्यो भने त्यो हार मानिसको होइन राज्यको हो। ए सरकार भनिदेउ न “नागरिकले कति पटक मर्नुपर्छ राज्य एक पटक ब्युँझिन?”

सुदापकाे माटोले सिर्जनाकाे उज्यालो जन्मायाे बाल्यकालकाे स्मृतिलाई लीलबहादुर क्षेत्रीले ” बसाइँ” उपन्यास कृतिमा जीवन दिए पहाडी जनजीवनकाे आँसु, गाउँको पीडा र माटोको सुगन्ध बोकेर यहीँ कतै अाज पनि माेटे कार्की र झुमाहरू घुमिरहे झैं लाग्छ। आङ्दिममा बिहानीको घाम झुल्कदा हाेस या हमरजुङलाई बादलले अँगालो हाल्दा ओख्रेमा भूईंकुहिराले लुकामारी खेल्छ फाक्चामाराका पाखामा हावाले पनि लाेकगीत गाउँछ प्रीय छथर— जब यहाँ गुम्बाकाे घण्टी बज्छ झाक्रीकाे ढ्याङ्ग्राे यहाँको संस्कृति जीवन्त राख्न पुर्खाकाे कथा सुनाइरहन्छ मार्गा पाेखरी पर्खिरहेछ पर्यटक च्याङलुङ गुफा जाेगाउन खाेजिरहेछ युगाै पुराना सभ्यताकाे कथा । यहाँका पहाड , वन , खाेलाहरू चुपचाप छैनन् निरन्तर पुर्खाको स्मृति, सभ्यताको कथा र प्रकृतिको अनन्त…