कृष्णप्रसाद शर्मा
कारखानामा कुनैपनि वस्तु भनाउँदा आँफुले योजना गरेको वस्तु बाहेक पनि अर्को बस्तु पनि उत्पादन भयो भने त्यसलाई अँग्रेजीमा बाई प्रोडक्ट भनिन्छ । हो, त्यस्तै गैर राजनैतिक व्यक्तिलाई सरकार प्रमुख बनाउँदा खेरी उत्पादन भएको अर्को बाई प्रोडक्ट हुन लोकमान सिँह कार्कि । लोकमान सिहँ कार्किलाई अख्तियार प्रमुख बनाउँदा केही नागरिक समाजका अगुवाहरूले यो गर्नु ठीक छैन भनेका थिए तर उनीहरु थोरै थिए, आवाज सानु थियो । त्यसैले कसैले पनि कुरा सुनेन् । माओबादीका नारायणकाजी श्रेष्ट समेत असन्तुष्ट थिए तर विरोधका बावजुत पनि तीन दलको मिलोमोतोमा उनको नियुक्ति भई छाड्यो ।
राजाको हुकुमबाट एकै पटक मुख्य सचिव भई खाएका र जनआन्दोलनका बेला खेलेको नकरात्मक भूमिकाले कारवाहीको शिफारिस समेत परेका र रायमाझी आयोगले उच्च नैतिक चरित्र नभएका भनि डामेका लोकमान सिँह कार्किलाई अख्तियार प्रमुख बनाउँदा केही न केही काम वा कुराको लेनदन भएको हुनु पर्छ तर त्यो गोप्य लेनदेनको भविष्यमा जनताले अवश्य पाउने छन् । लोकमानलाई महाअभियोग लगाउनु पर्ने प्रस्ताव स्वास्थ क्षेत्रमा व्याप्त बेथितीलाई समाप्त नवौं पटकसम्म अनसन बसेका सादगी डा. गोबिन्द के.सीको आठौं पटकको अनसनबमा राखिएको एक माग स्वरुप उठेको थियो । गोविन्द के.सीलाई पागल करार गर्ने अख्तियारका प्रवक्तादेखी केही नेताहरू पनि थिए । तर उनको समर्थनमा सानो पार्टि विवेकशील नेपाली र अन्य सचेत युवा वर्गको संधै साथ दिईराखेको नै छ ।
लोकमानसिंह कार्कीलाई महाअभियोग लगाउनु पर्ने डाक्टर गोविन्द के.सीका छुट्टै तर्क रहेपनि महाअभियोगमा झेलिएको धेरै कुराहरु रहेको हुँदा अहिले संसदमा माओबादी र एमालेका १५७ जनाले महाअभियोग प्रस्ताव पेश गरे जसमा काँग्रेसको आधिकारिक धारणा आउन बाँकी छ । पेश गर्न एक तिहाई भएपनि पुग्ने भएपनि पास हुन दुई तिहाई चाहिन्छ । जसका लागी अब सबै पार्टिको साथ नभए सम्म संम्भव छैन । आफुलाई राम्रोसंग साथ दिएका प्रचण्डलाई नै क्यान्टोनमेन्ट शीविरको घोटला छानवीन गर्न सक्ने भनि जब पत्रकार सम्मेल गरे त्यसपछि प्रचण्ड सगँको सामिप्यता टाढिएको धेरैको बुझाई छ ।
संविधान सबैले मान्नै पर्छ । लोकमानको नियुक्ति हाम्रो संविधानत योग्यता नै पुगेको छैन भने तिनको योग्यता पुगेको देख्ने तात्कालिन नेताहरू नै महाअभियोगको पक्षमा उभिएका छन् अहिले । कुनै बेला बेठिकलाई ठीक भनेर नियुक्ति दिलाए पनि अहिले जनदबाब र लोकमानको साँढे प्रवृत्तिका कारण उनिहरू महाअभीयोगको पक्षमा लाग्नै पर्ने देखिएको छ । कानुनले कसैलाई सोधपुछ गर्न सक्छ तर कानूको आडमा व्यक्तिगत ईवी साँधेको देखिन्थ्यो लोकमानले । शम्भु थापा, कनकमणी दिक्षित र एमालेका डा. विजय पौडेलका घर र फर्ममा अनावश्यक छापा मारेर दुःख दिएको प्रष्टै छ ।
मेडिकल काउन्सिलदेखी सबै ठाउँमा आफ्नो छाया कायम राखेका लोकमानले मेडिकलको परिक्षा समेत आफ्नै छायाँमा संचालन गरे जहाँ प्रश्न पत्रको ब्याङमा नै उनले कब्जा जमाए जुन मान नै नदिने काम गरे लोकमानले । उनका पछिल्लो समयका गतिविधि यति अराजक भनेकी अनुशन्धानका लागी सर्वाेच्चले पठाएको तामेलीको सूचना टाँस्न समेत अवरोध खडा गरे अझ सादा पोशाकमा प्रहरी नै परिचालन गरेर टाँस्न दिएनन् । उनले आँफुलाई जो जस्ले अवरोध गर्छ त्यससंग सम्बन्धित संस्था एवं निजी सम्र्पक मार्फत पनि दुःख दिए । जहाँ राजस्व अनुसन्धानका कर्मचारीदेखी उनको विपक्षमा लेख्ने पत्रिकालाई समेत उनले खेदेका थिए जुन उनको अधिकार क्षेत्रमा समेत पर्दैनथ्यो तर गरेकै थिए ।
लोकमानसिंह कार्कीलाई महाअभियोगको प्रस्तावलाई संसद सम्म पु¥याउन पहिलो साहसिक काम काँग्रेसका गगन थापा र धनराज गुरूङ र माओबादी केन्द्रका श्याम श्रेष्ठ नै हुन तर यो अगाडी बढाउन कसैले हिम्मत गरेका थिएनन् तर एमालेका के.पी शर्माले लोकमान स्वच्छचारी बन्दै गएको आभाव भए पछि प्रचण्ड मनाए जसको परिणाम स्वरुप १५७ को हस्ताक्षर पु¥याएर पेश भयो । अब यो प्रकृया जाने निश्चित छ । काँग्रेसलाई आफ्नै भातृ संगठनले समेत दबाब दिएको छ भने १३ विद्यार्थी संगठनहरू सडकमै आई सके ! लोकमानले एकै पटक सबैलाई तर्साएर राज गर्न खोजे जसलाई डा. केसीले लोकमानतन्त्रको उपमा दिएका थिए । हुन पनि सानालाई ऐन र ठूलालाई चैनकै जस्तो तरिकाले अड्डा चलाईरहेका लोकमानले आफु पुरिने खाडल आँफै खाने । उनले राम्रै काम गरेको भए जनताले पुराना कुरा विर्सिन्थे होला तर उनको कृयाकलापले पुराना कुरा फेरी नसम्झी नहुने गरी अगाडी बढे जसका कारण एउटा संबैधानिक प्रमुखले राज्यका तीनै अङगलाई कमजोर गराउने खेल खेल्दै समानान्तर सत्ता चलाउन खोज्दा मान नभएका लोकमान आज लगभग लगभग पतनको क्षणमा छन् ।
यदि उनको पक्षमा काँग्रेस सती गएन भने उनलाई बिदा दिने छाँट छ तर कदम कदाचीत काँग्रेसले साथ दिएर लोकमान बाँचे पनि काँग्रेसले अबको चुनावमा रा.प्र.पाको स्थानमा आउन समेत गाह्रो हुने छ भने दोस्रो पटक पुन लोकमानको बिपक्षमा उठेको छालले काँग्रेस मात्र नभई अन्य लोकमानका समर्थकलाई समेत बगाउने छ !
