रघुगंगा गाउँपालिका–१ बेगखोलाका सुशील गर्बुजाको हत्याकाण्डमा छ जनालाई जन्मकैद हुनुका साथै ९ जनालाई कसुर कायम गरेको छ । जिल्ला अदालत म्याग्दीका न्यायाधिश प्रकासप्रसाद पण्डितको इजालसले अभियोजन भएका १५ जना मध्ये छ जनालाई जन्मकैदको फैसला गर्नुका साथै ९ जनालाई कसुर कायम गरेको हो ।
कसुर कायम भएका ९ जनाको सजाय निर्धारणका लागि चैत २७ गते पेसी समेत तोकेको छ । २०८० माघ ११ गते दुई समूह बीच भएको सामुहिक झडपमा घााइते भएका रघुगंगा गाउँपालिका–१ का २१ वर्षीया सुशील गर्बुजाको उपचारका क्रममा मृत्यु भएको थियो ।
जिल्ला अदालत म्याग्दीका सूचना अधिकारी डिल्लीराज पौडेलका अनुसा धौलागिरी गाउँपालिका–४ मुदीका २१ वर्षीय अमृत पुर्जा, २२ वर्षीय शंकर घर्ती मगर, बेनी नगरपालिका–५ डडुवाका २३ वर्षीय सफल केसी भन्ने सफल खत्रीलाई मुलुकी अपराध संहिता–२०७४ को परिच्छेद–१२ ज्यान सम्बन्धी कसुरको दफा १७७ को उपदफा १ अनुसार कसैले कसैको नियतपूर्वक ज्यान मार्न वा ज्यान मार्ने कुनै काम गर्न वागराउन हुदैन भने बमोजिमको कसुर ठहर गरेको हो । दफा १७७(१) अनुसारको कसुर गरेकोले उपदा(२) बमोजिम जन्मकैद तोकेको हो ।
त्यस्तै १८ वर्ष भन्दा कम उमेर भएका १६–१८ वर्ष उमेर भएका एक जनालाई ७५ प्रतिशत सजाय र १४–१६ वर्ष उमेर भएका दुई जनालाई ५० प्रतिशत सजाय निर्धारण भएको सूचना अधिकारी पौडेलको भनाई छ । त्यस्तै उक्त हत्याकाण्डका मतियार मानिएका रघुगंगा गाउँपालिका–७ चिमखोलाका १९ वर्षीय उत्सव पुन, बेनी नगरपालिका–८ का १९ वर्षीय सोहन बरुवाल, मंगला गाउँपालिका–२ का २२ वर्षीय प्रविन जिसी, बेनी नगरपालिका–९ का १८ वर्षीय सविन राई, रघुगंगा गाउँपालिका–२ का सज्जन खत्री, रघुगंगा गाउँपालिका२ का १९वर्षीय सज्जन खत्री र जलजला गाउँपालिका–३ पर्वतका मनिष तिलिजालाई हत्याको मतियार कायम गरेको सूचना अधिकारी पौडेलको भनाई छ ।
अदालतले हत्याका मतियारहरुलाई जन्मकैदको आधा सम्म सजाय गर्न सक्ने कानुनी व्यवस्था रहेको उहाँको भनाई छ । त्यस्तै १८ वर्ष भन्दा कम उमेर भएका तीन जनालाई पनि मतियार रहेकोले चैत २७ गते सजाय निर्धारणका लागि पेसी तोएिको छ ।
२०८० माघ ११ गते रघुगंगा गाउँपालिका १ बेगखोला घर भै बेनी नगरपालिका ८ बस्ने २१ वर्षीया शुशिल गर्बुजाको समूह र धौलागिरी गाउँपालिका ४ मुदी घर भै बेनी नगरपालिका ७ बस्ने २१ वर्षीया अमृत पुर्जाको समूह बीच झडप भएको थियो । उक्त झडप हुँदा धारिलो हतियार प्राहारबाट गम्भीर घाइते भएका सुशीलको उपचारका लागि बेनी अस्पताल पु¥याउँदा डाक्टरहरुले मृत घोषणा गरेका थिए ।
सुशीलकी आमा रमायाँ गर्बुजाले माघ १२ गते प्रहरीमा १७ जना बिरुद्ध जाहेरी दिनुभएको थियो । जाहेरी दिएका मध्ये १८ वर्ष भन्दा माथि उमेरका यमन भन्ने गगन गर्बुजा र १८ वर्ष भन्दा मुनीका एक जना हाल सम्म पनि फरार रहेका छन् ।
उजुरी पछि गिरफ्तार भएकाहरुको हकमा सजाय तोक्नुका साथै कसुर कायम भएर सजाय निर्धारणका लागि पेसी तोएिको र फरार रहेका २ जनाको हकमा मुद्दा मुल्तबीमा रहेको जिल्ला सरकारी वकिल कार्यालय म्याग्दीका जिल्ला न्यायाधिवक्ता गोविन्द उपाध्यायले जानकारी दिनुभयो ।
२०८० माघ ११ गते भएको घटना पछि अनुसन्धान पश्चात २०८० फागुन ३ गते विभिन्न एक सय ४९ प्रकारका कागजात तथा प्रमाणका साथ १८ वर्ष भन्दा कम उमेर भएका ७ जना बिरुद्ध ज्यान सम्बन्धी कसुर अन्तरगत कर्तव्य ज्यान शिर्षकमा जिल्ला सरकारी वकिल कार्याँलयले जिल्ला अदालत म्याग्दीमा आभियोजन गरेको थियो ।
त्यस्तै एक सय २७ प्रकारका कागजात तथा प्रमाणका साथ १८ वर्ष भन्दा माथि उमेरका १० जना बिरुद्ध फागुन ६ गते जिल्ला सरकारी वकिल कार्यालय म्याग्दीका तत्कालिन जिल्ला न्यायाधिवक्ता खेमराज पाठकले अभियोजन दर्ता गराउनु भएको थियो । मुलुकी अपराध संहिता २०७४ को दफा १७७ बमोजिम जन्मकैद माग गर्दै अभियोजन दर्ता भएको थियो । आदर्शसञ्चार डटकमबाट
