बागलुङ, १९ असोज – प्रसिद्ध कालिका भगवती मन्दिरमा नवदुर्गाको चौथो दिन २ लाख बढी रकम संकलन भएको छ । गुठी व्यवस्थापन समितिका अध्यक्ष राजु खडकाको अनुसार, चौथो दिन मंगलबार २ लाख ६ हजार २१ रुपैयाँ संकलन भएको छ ।
संकलित रकमको बिवरण अनुसार, भेटी ७६ हजार २ सय ३९ रुपैयाँ, परेवा २ सय ३ जोडी बिक्रीबाट ८१ हजार २ सय रुपैयाँ, बोका मुढ ५५ वटा बिक्रीबाट ३७ हजार ८ सय १० रुपैयाँ, कुखुरा मुढ एक सय २४ वटा बिक्रीबाट ५ हजार ५ सय ६० रुपैयाँ, रांगो मुढ ५ वटा बिक्रीबाट २ हजार, चामल ७ पाथी बिक्रीबाट १ हजार ४ सय तथा आर्थिक सहयोग १६ जनाबाट १ हजार ८ सय १२ रुपैयाँ जम्मा भएको छ ।
