बागलुङ, १८ असोज – जिल्ला प्रशासन कार्यायको अगुवाइमा उपभोक्ता मंच, बागलुङ नगरपालिका, प्रहरी, घरेलु तथा साना उद्योग विकास समिति र पत्रकार समेतको टोलीले सोमबार बजार अनुगमन गरेको छ ।
दशैको समयमा उपभोक्ता ठगिने समस्या नआओस भन्ने उद्धेश्यले अनुमगन गरी कमजोरी भेटिएकालाइ कारवाही प्रकृयामा लगिएको सहायक प्रजिअ धु्रव गिरीले बताए । उपभोक्तालाइ अखाद्य बस्तु विक्रि गरेको, मूल्य सूचि नराखेको , खाद्य बस्तुमा उत्पादन मिति नराखेको तथा पसलको आवस्यक कागजात र नाम समेत नभएकालाइ कारवाहीको प्रकृया थालिएको हो ।
घरेलु तथा साना उद्योग विकास समितिमा दर्ता भएर मात्र पसल, उद्योग तथा व्यवसाय संचालन गर्न पाउने कानूनी प्रावधान छ । मानव स्वास्थ्यमा प्रत्यक्ष असर गर्ने खाद्य बस्तु गुणस्तर हिन भएको भेटिएपछि बस्तु बरामद गरिएको र प्रशासनमा हाजिर हुनका लागि बोलाइएको पनि गिरीले जानकारी दिए ।
जीपपार्क, श्रीनगरटोल आसपासका ८ वटा पसलमा कुहिएको दाल, मिति नभएको चामल लगायतका बस्तुहरु बरामद भएको हो । अझै केही दिन सम्म अनुगमनलाइ निरन्तरता दिएर उपभोक्तालाइ स्वच्छ खाने तथा बस्तु उपयोग गर्न पाउने अधिकारको रक्षा गरिने मंचका अध्यक्ष शैलेन्द्र श्रेष्ठले जानकारी दिए ।
