सहयोगी मन थपिदैं

विद्यामन्दिर मावि निर्माण अभियान
बागलुङ, १२ असोज – वृहत भौतिक पूर्वाधार निर्माणको योजना थालेको विद्यामन्दिर माविलाइ अमेरिकामा बस्ने बागलुङेले एक्लै १२ लाख ५० हजार रुपैयाँ सहयोग गरेका छन् ।
वि.सं. १९९७ मा स्थापित विद्यामन्दिर माविलाइ मंगलवार बागलुङ नगरपालिका वडा नम्बर १० घर भई विगत आठ वर्षदेखि अमेरिका बस्दै आएका हिरालाल गौतमले उक्त रकम सहयोग गरेका हुन् । विद्यालयमा आयोजित एक कार्यक्रममा उनले सहयोग रकमको चेक महायज्ञ मूल आयोजक समितिलाई हस्तान्तरण गरेको प्रअ जगन्नाथ आचार्यले जानकारी दिए । विद्यालय निर्माणकै लागि धनधान्याचल महायज्ञको पनि तयारी भैरहेको छ ।
कार्यक्रममा विद्यालयका संस्थापकका ओमप्रसाद गौचनका छोरा तथा अर्का चन्दादाता ओमकार प्रसाद गौचनलाई पनि सम्मान गरिएको थियो । गौचनले उक्त अवसरमा आफूले पैसा जम्मा गरेको भौचर मूल आयोजक समितिलाई हस्तान्तरण गरेका थिए । गौचनले हालै मात्र संस्थापकको परिवारको सदस्यको हैसियतमा विद्यालयको खातामा १२ लाख ५० हजार रकम जम्मा गरिसकेका छन् । गरिदिएका थिए । यस अघि पनि अमेरिकामा बस्दै आएका पूर्व विद्यार्थी र विद्यालयका शिक्षक कर्मचारीले धमाधम आर्थिक सहयोग गर्दै आएका छन् । उक्त रकमले विद्यालयको एक कोठा निर्माण गर्न सकिने विद्यालयले जनाएको छ । निर्माण कार्य चलिरहेको उक्त विद्यालयको निर्माण कार्य सम्पन्न गर्नका लागि विद्यालयले दशैं तिहारको बीचको बिदाको मौका पारेर विद्यालयमा कार्तिक ३ गतेदेखि महायज्ञ लगाउँदै छ । भवनको स्टिमेट अनुसार निर्माण कार्य सम्पन्नगर्नका लागि भने १० करोड खर्च लाग्ने बताइएको छ ।