जैदीमा एमालेको जनसभा सम्पन्न

बागलुङ, ९ असोज – नेकपा एमाले बागलुङको संगठन पुर्ननिर्माण अभियान अन्र्तगत बागलुङको जैदीमा जनसभा सम्पन्न भएको छ ।
नेकपा एमाले जैदी गाउँ कमिटि बागलुङको आयोजना भएको जनसभामा बोल्दै एमाले नेता इन्द्रलाल सापकोटाले जनताको मतबाट बनेको संविधान कार्यान्वयनमा जोड दिए ।
संविधान निर्माणमा महत्वपूर्ण भूमिका निर्वाह गरेको एमालेलाई संविधान विरोधी देखाउँने प्रयास भइरहेको भन्दै यसका विरुद्धमा आम एमालेजनहरु एक हुनुपर्नेमा जोड दिए । कार्यक्रममा एमाले नेता कृष्ण पाठकले संविधान कार्यान्वयन गर्ने बेलामा कांग्रेस माओवादी सत्ताकोखेलमा लागेर मुलुकलाई वर्वादीतर्फ धकेलेको आरोप लगाए ।
पाठकले नयाँ संविधान कार्यान्वयनका लागि सबै पार्टी एक ठाउँमा हुनुपर्नेमा सत्ताधारी दलहरु विपक्षी चिढाउँने खेलमा लागेको पाठकको आरोप थियो ।
कार्यक्रममा नेकपा एमाले बागलुङका सचिवालय सदस्य सावित्रा राना, क्षेत्र नम्बर एक बागलुङका अध्यक्ष लालबहादुर थापा, बलबहादुर नेपाली, नेपाली कांग्रेसबाट प्रवेश गरेका शिव सुवेदी लगायतले बोलेका थिए ।
कार्यक्रममा नेपाली कांग्रेस परित्याग गरेका सुवेदीले प्रमुख निर्माणको जिम्मेवारी पाएको नेपाली कांग्रेसले संविधान कार्यान्वयन र मुलुकको समृद्धिका लागि नसोची सत्ताको लुछाचुडीमा लागेकाले पार्टी छाड्नु परेको बताए ।
कार्यक्रम जैदी गाउँ कमिटिका अध्यक्ष मोहराज शर्माको अध्यक्षता, खगेन्द्र पौडेलको स्वागत र बद्री ढुंगानाको सञ्चालनमा सम्पन्न भएको जैदीबाट लक्ष्मीप्रसाद वाग्लेले जानकारी दिए ।