बागलुङ, ९ असोज – नेकपा माओवादी केन्द्र सिगाना गाउँ कमिटी बागलुङको एकता भेला शनिबार सम्पन्न भएको छ ।
भेलालाई सम्बोधन गर्दै माओवादी केन्द्रका पोलिटब्युरो सदस्य चन्द्रबहादुर बुढा ‘सागर’ले संविधान कार्यान्वयनको लागि प्रमुख राजनीतिक शक्तिबीचको सहकार्य आवश्यक रहेको बताए ।
ठूला राजनीतिक दलहरुको सहकार्य र सहमति बिना संविधान कार्यन्वयनमा समस्या हुने गर्दै उनले दलगत स्वार्थ भन्दा माथि उठेर राजनीतिक निर्णय गर्नुपर्ने बताए । कार्यक्रममा नेकपा माओवादी केन्द्रका केन्द्रीय सदस्य कृष्णबहादुर केसीले जनभावना अनुसार स्थानीय निकायको पुनसंरचना गरी तत्काल स्थानीय निर्वाचन हुनुपर्नेमा जोड दिएका थिए ।
स्थानीय निकाय लामो समयदेखि खाली रहँदा विकास निर्माणले गति नपाएको चर्चा गर्दे उनले निर्वाचनको विकल्प नरहेको बताएका थिए । कार्यालय सचिव चन्द्रबहादुर थापा ‘शिखर, एकीकृत नेपाल राष्ट्रिय शिक्षक संगठनका जिल्ला सदस्य श्याम थापा बुद्धिजिवी संगठनका जिल्ला सदस्य कृष्ण खडका लगायतले मन्तव्य व्यक्त गरेका थिए ।
भेलाल टोपबहादुर खडकाको अध्यक्षतामा ३५ सदस्यीय सम्मेलन आयोजक कमिटी गठन गरेको छ । कमिटीको सह–सयोजक कष्ण थापा र सपना जिसी रहेका छन् ।
कार्याक्रम टोपबहादुर खडकाको अध्यक्षता, महेन्द्र लामिछानेको स्वागत र कृष्ण थापाको संचालनमा सम्पन्न भएको थियो ।
माओवादी केन्द्रको एकता भेला सकियो
