एमबिएलद्वारा सहयोग प्रदान

बागलुङ, ७ असोज – माछापुच्छ्रे बैंक लिमिटेड बागलुङ शाखाले सामािजक उत्तरदायित्व कार्यक्रम मार्फत खाद्यान्न र शैक्षिक सामाग्री सहयोग गरेको छ । बागलुङ नगरपालिका १० कुँडुलेमा रहेको मुक्तिनाथ बेद विद्याश्रम संस्कृत पाठशालामा अध्ययन गर्ने बटुक तथा शिक्षकलाइ खानका लागि खाद्य सामाग्री प्रदान गरेको हो ।
जिल्ला शिक्षा अधिकारी बिष्णुप्रसाद मिश्रले बिहिवार आयोजित एक कार्यक्रमका विच सामाग्री विद्यालयका संरक्षक ऋषि प्रपन्नाचार्यलाइ हस्तान्तरण गरेका थिए । साथै बटुकहरुका लागि कापी र कलम पनि सहयोग गरेको बैंकका मेनेजर राजेश देवकोटाले बताए ।
संस्कृत, व्याकरण, बेद र कर्मकाण्ड सहित नियमित शिक्षा समेत दिइने पाठशालामा अहिले ५० जना बटुक अध्ययनरत छन् । उनीहरुलाइ विभिन्न क्षेत्रबाट आएको दानबाटै लालनपालन भैरहेको छ । उक्त अवसरमा जिल्ला शिक्षा अधिकारी मिश्रले सामाजिक उत्तरदायित्वलाइ शैक्षिक उन्ययनका लागि खर्च गर्नुले धर्म र शैक्षिक विकासमा सहयोग पुगेको बताए ।
उनले जिल्ला शिक्षाले चाहिंदो सहयोग दिन नसकेपनि सहयोगीहरु भेटिनुलाइ सकारात्मक भएको बताए । बैंकका प्रवन्धक देवकोटाको अध्यक्षतामा सोकेन्द्र थापाको संचालनमा सम्पन्न कार्यक्रममा ऋषि प्रपन्नाचार्य, पाठशालाकी प्रअ शान्ति ज्ञवाली लगायतले बोलेका थिए ।
माछापुच्छ्रे बैंकले अवदेखि हरेक महिना सामाजिक उत्तरदायित्व कार्यक्रम अन्र्तगत शैक्षिक, स्वास्थ्य र सामाजिक क्षेत्रमा सहयोग गर्ने लक्ष राखेको छ ।