बागलुङ, २६ भदौ – ने.क.पा. (माओवादी केन्द्र) बागलुङ नगरको सम्मेलन आयोजक समितिको संयोजकमा निर्मलकुमार श्रेष्ठ चयन भएका छन् । शनिवार भएको नगर पार्टीको एकता भेलाबाट श्रेष्ठको संयाजकत्वमा १ सय २१ सदस्यीय सम्मेलन आयोजक समिति निर्माण भएको हो ।
भेलालाई सम्बोधन गर्दै केन्द्रका पोलिटब्युरो सदस्य चन्द्रबहादुर बुढा ‘सागर’ले एकताले नयाँ उत्साह पैदा गरेको बताए । एकतालाई रुपान्तरण हुँदै बिजयसम्म पु¥याउन पार्टी कटिबद्ध रहेको उनको भनाई छ । ‘हामी संगठन सुदृढीकरणतर्फ अग्रसर छौं, प्रमुख शक्तिको रुपमा पार्टीलाई अगाडि लानुपर्ने चूनौती हाम्रासामु छ’ सदस्य बुढाले भने ।
उनले जनजिविकाका मुद्दालाई केन्द्रमा राखेर देश र जनताको मुक्ती र हितमा जुट्न नेता, कार्यकर्तालाई निर्देशन समेत दिए । भेलामा नेपाल पत्रकार महासंघ बागलुङका अध्यक्ष मुकेशचन्द्र राजभण्डारी, अखिल क्रान्तिकारीका केन्द्रीय उपाध्यक्ष पदम खत्री, केन्द्रका केन्द्रीय सदस्य फमलाल न्यूरे, ज्ञामनाथ गैरे, जिल्ला सदस्य कुसुम बुढा लगाएतले शुभकामना मन्तव्य व्यक्त गरेका थिए ।
भेलाले शिक्षक विभागमा कमल शर्मा, भूपू सैनिकमा चित्र सुवेदी, किसान विभागमा गुरु सापकोटा, मजदुर संगठनबाट प्रेम किसान, सञ्चारमा अनिश खाती, सहकारीमा निरज शाक्य, उद्योग व्यापारमा रतन मलेपति, जनस्वास्थ्यमा हरिप्रसाद शर्मा, निर्माण विभागमा नरबहादुर थापा लगाएतलाई विभागीय जिम्मेवारी दिएको छ ।
जिल्लाको पश्चिममा भेगमा सम्पर्क व्यक्तिको रुपमा संकल्प शर्मा र गलकोटमा धु्रव चोखाललाई जिम्मा दिएको छ । यस्तै, दक्षिण भेगको सम्पर्क व्यक्तिको जिम्मेवारी झमन पाण्डेलाई तोकिएको छ । आयोजक समितिका सदस्य यज्ञबल्लभ शर्माको अध्यक्षता, निर्मलकुमार श्रेष्ठको स्वागत र विक्रम क्षेत्रीको सञ्चालनमा भेला सम्पन्न भएको थियो । भेलाले नगर सम्मेलन केन्द्रको निर्देशनको आधारमा गर्ने निर्णय गरेको छ ।
