ब्यवसायमा सफलता पाउदै खड्का

बागलुङ,२ असोज – भर्खर ३० बर्ष पुगेका युवा उद्यमीको व्यवसायमा २५ जनाले रोजगारी पाएका छन् भन्दा नौलो लाग्न सक्छ तर बागलुङका एक युवा सानै उमेरमा धेरैलाई रोजगारी दिन सफल छन् । लाखौ लगानी गर्नुमात्र उनको सफलता नभएर रोजगारीमा युवाहरु खपत हुनु र सौखिन जीवन बिताउनेका लागि आवस्यक पर्ने साधन थोक मूल्यमै बागलुङ बजारमा पाउने अवसर उनले सिर्जना गरेका छन् ।
बागलुङ भगवती ट्रेडस संचालन गरेका ३० बर्षे मनोज खड्काले मोटरसाईकल, ट्रयाक्टर लगायतको शोरुम देखि मोटर पार्टस् विक्रि लगायतको काममा उक्त रोजगारी दिन सफल भएका हुन् । उनको शोरुममा अहिले ८ प्रकारका साधन विक्रि भैरहेको छ । युवाका लागि मोटरसाईकर र स्कुटर, सामान ढुवानीका लागि ट्रयाक्टर समेत उनको शोरुममा विक्रि हुने गर्छ । उनले न्यु होल्याण्ड ट्रयाक्टर, केश ट्रयाक्टर, न्यु होल्याण्ड भ्याकुलेटर, सेट टायर, ग्लोव्याट व्याट्रि, पेट्रोनास लुब्रिकेन्टस्, टिभिएस मोटरसाईकल र इन्भेष्टमेन्ट कंपनी समेत संचालनमा ल्याएका छन् ।
२१ बर्षको उमेरमै व्यवसायमा होमिएका खड्का जिल्लाको सफल उद्यमीमा गनिइसकेका छन् । ‘धेरै मेहेनत त गर्न बाँकी छ, तर पनि केही लगानी गरेर रोजगारी सिर्जना गर्न सकिएको छ’ खड्काले भने, ‘लगानी कति र कहाँ ऋण खोजेको छ भन्ने कुरा फरक बिषय भएपनि रोजगारी सिर्जना, कर तिर्ने र आर्थिक विकासमा राष्ट्रलाई सहयोग गर्न सकेका छौं ।’ संचार माध्यममा भने यस्ता काम समाचार नभएको उनलले गुनासो गरे । कृषि, पशुपालन गरेका किसानको समाचारले अखवारका पाना भरिएको, टेलिभिजनको पर्दा ढाकेको उनको टिप्पणी छ ।
भन्सारमा २ सय ४० प्रतिशत र नामसारीमा १३ प्रतिशत कर तिरेका व्यवसायीको लगानी तथा जनताले पाएको सेवाबाट राज्यको आर्थिक विकास संभव भएको खड्का बताउँछन् । राजश्वको आधार फराकिलो भएमा विकास निर्माणले सफलता पाउने उनको भनाई छ ।
यसैबीच खड्काको ट्रेडसले आइतवारदेखि टिभिएस मोटरसाईकलको आधिकारिक विक्रि थालेको छ । दशै र तिहार जस्ता ठूला चाडलाई ध्यानमा राखेर केही छु्टमा विक्रि थालेको खड्काले बताए । हल्लनचोक स्थित आफ्नै शोरुममा उनले मोटरसाईकलमा ७ हजार र स्कुटरमा ९ हजार रुपैयाँ सम्म छुटको व्यवस्था, हरेक दिन लक्की ड्रमा एक जनालाई एकतोलाको सुनको सिक्रि पुरस्कारको व्यवस्था गरिएको बताए ।
पछिल्लो समय युवाहरुको रोजाईमा रहेका मोडल सहितका मोटरसाईकल र स्कुटरहरु शोरुममा राखिएको छ । केही समय देखि नयाँ मोडलका मोटरसाईकल देखि अन्य सवारी साधनको मर्मत गर्ने देखि आवस्यक पार्टसहरु पनि उनकै शोरुममा पाइन थालेको छ । मर्मतका लागि उनले दक्ष कामदारलाई पनि रोजगारी दिएर राखेका छन् ।