मातृभूमी, निलगिरी र व्यापार सहकारीको साधारणसभा, जिसीलाई पत्रकारिता पुरस्कार

बागलुङ, २६ भदौ – मातृभूमि बहुउद्देश्यीय सहकारी संस्था लिमिटेड बागलुङको आठौं वार्षिक साधारणसभा शनिवार सम्पन्न भएको छ । साधारणसभाले आगामी वर्षको लागि कार्ययोजना निर्माण गरेको छ । शेयर सदस्य, पूँजी र लगानी वृद्धिलाई प्राथमिकतामा राखेर अघि बढ्ने सहकारीका अध्यक्ष गुणराज पौड्यालले बताए ।
साधारणसभाका अवसरमा सहकारीले प्रगति, आर्थिक, लेखा प्रतिवेदनहरु सार्वजनिक गरेको छ । सहकारीले यो वर्ष ८ करोड ५७ लाख १८ हजार ७ सय रुपैयाँको कारोबार गरेको जनाएको छ । यसै वर्ष २० लाख ६ हजार शेयर पूँजी वृद्धि भएको सहकारीका कोषाध्यक्ष केदारनाथ पौडेलले प्रस्तुत गरेको प्रतिवेदनमा उल्लेख छ ।
यस्तै, निक्षेप संकलन १८ करोड २१ लाख ६१ हजार ५ सय ५ रुपैयाँ रहेको छ । ५ करोड ८५ लाख भन्दा बढी ऋण लगानी भएको सहकारीले जनाएको छ । साधारणसभाका अवसरमा सचिव रामप्रसाद शर्माले प्रगति प्रतिवेदन र लेखा संयोजक सुरेन्द्र आचार्यले लेखा प्रतिवेदन प्रस्तुत गरेका थिए । सो अवसरमा सहकारीले विभिन्न व्यक्तिहरुलाई सम्मान समेत गरेको छ ।
उत्कृष्ट बचतकर्तातर्फ राजुप्रसाद गौतम, संस्थामा बढी उपस्थित हुनेबाट गंगाराम उपाध्याय, अग्रेजी विषयमा एमफिल गर्ने शेयर सदस्य टीकाराम सापकोटा र ज्येष्ठ शेयर सदस्य चन्द्रबहादुर थापालाई सम्मान गरिएको सचिव रामप्रसाद शर्माले जानकारी दिए । यस्तै, गत वर्षको प्रवेशिका परीक्षामा उत्कृष्ट हुने शेयर सदस्यका छोराछोरीलाई पनि सम्मान तथा पुरस्कार प्रदान गरिएको छ । जसमा सञ्जय शर्मा, समृद्धि सापकोटा, गायत्री शर्मा र स्मृति आचार्य रहेका छन् ।
साधारणसभामा बागलुङ बारका पूर्व अध्यक्ष राजुप्रसाद गौतम, नेपाल पत्रकार महासंघ बागलुङ शाखाका सदस्य राम थापा ‘अविरल’, सहकारीका सल्लाहकार ज्ञानेन्द्रराज पन्त लगाएतले शुभकामना मन्तव्य राखेका थिए । सहकारीका अध्यक्ष गुणराज पौड्यालको अध्यक्षता, पूर्व उपाध्यक्ष धिरेन्द्रराज पन्तको स्वागत र सचिव रामप्रसाद शर्माको सञ्चालनमा साधारण सम्पन्न भएको थियो ।
निलगिरीको साधारणसभा
निलगिरी वचत तथा ऋण सहकारी संस्था बागलुङको नवौ साधारणसभा शनिवार सम्पन्न भएको छ । जिविकोपार्जन र आर्थिक समृद्धिको लागि निलगिरी सहकारी भन्ने मुल नाराका साथ २०६५ सालमा स्थापित सहकारीले गत बर्ष दुई करोडको कारोवार गरेको संस्थाले यस बर्ष १८ करोड १७ लाख ८३ हजार रुपैयाँ बराबरको कारोवार गरेको जनाएको छ ।
साधारणसभाको उदघाटन गर्दै संस्थाका कानुनी सल्लाकार एवं शेयर सदस्य भुमिश्वर गौतमले सहकारी क्षेत्रको विकास भएमात्र हरेक व्यक्त सक्षम र समृद्ध बन्ने बताए । उनले हरेक नागरिक सहकारीको सदस्य भएमात्र आर्थिक समद्धि संभव हुने बताए । कार्यक्रममा सहभागीहरुले सहकारीलाइ आफनो उदेश्य अनुसार अगाडि बढ्ने शुभकामना दिएका थिए ।
सहकारीले उत्कृष्ट बचतकर्ता र ऋणिलार्ई सम्मान तथा पुरस्कार बितरण गरेको थियो । हाल सहकारीमा २ एक ८३ जना शेयर सदस्यहरु छन् । निलगिरी सहरकारी संस्थाका अध्यक्ष नारायण पौडेलको अध्यक्षता, उपाध्यक्ष डिल्लीप्रसाद गौतमको स्वागत र सचिव मिनबहादुर केसीको सञ्चालनमा कार्यक्रम सम्पन्न भएको थियो ।
ब्यापार सहकारीको साधारणसभा
ब्यापार बचत तथा ऋण सहकारी संस्था बागलुङ्गको चौथो साधारणशभा शनिवार सम्पन्न भएको छ । साधारणसभाको उद्घाटन ब्यापार बचत तथा ऋण सहकारी संस्था बागलुङ्गका संस्थापक अध्यक्ष रामराजा सुबेदीले गरेका थिए । सो अवसरमा बोल्दै सुवेदीले सहकारीलाई सहि ढङ्गले अगाडी बढाउनका लागि सहकारीका मुल्य मान्यता र आदर्शलाई सबैले आत्मसाथ गर्नुपर्ने बताए ।
सो अवसरमा संस्थाका संरक्षक एबं उद्योण बाणिज्य सघं बागलुङ्गका पुर्व अध्यक्ष योगेश्वर ओझा, कपडा तथा फेन्सी ब्याव्सायी समितिका अध्यक्ष भोजराज रेग्मी, ब्यापार बचत तथा ऋण सहकारी संस्थाका सल्लाहरका पुर्णराज रेग्मी, पत्रकार महासघं बागलुङ्ग शाखाका सल्लाहकार कोपिला कंडेल, सेयर सदस्य गणेस पौडेल लगायतले शुभकामना मन्तब्य ब्यक्त गरेका थिए ।
सो अवसरमा संस्थामा आबद्ध रहि उत्कृष्ट कारोबार गर्ने ५ जनालाई संस्थाले सम्मान गरेको छ । सम्मानित हुनेमा उत्कृष्ट बचतकर्ता जानुका साप्कोटा, लक्ष्मण केसी, बुद्धि बहादुर घर्ति, कृष्णा अर्याल र नियमित लगानीकर्ता चेतराम गौतम रहेका छन । त्यसैगरी संस्थाका पुर्व सचिव गोबिन्द सुबेदी, सदस्य नविन श्रेष्ठ र भिम कुमारी जिसीलाई पनि सम्मान गरिएको थियो ।
सो अवसरमा संस्थाका सचिव गोकुल प्रसाद कडेलले प्रगति प्रतिबेदन, कोषाध्यक्ष चन्द्रकान्त पौडेलले आर्थिक प्रतिबेदन र लेखासमितिका संयोजक ईन्द्रमणी पौडेलले लेखा समितीको प्रतिबेदन प्रस्तुत गरेका थिए । सो अवसरमा नारायण पौडेलले कबिता वाचन गरेका थिए । कार्यक्रम ब्यापार बचत तथा ऋण सहकारी संस्थाका अध्यक्ष हरी सुबेदीको अध्यक्षता, उपाध्यक्ष रामचन्द्र शर्माको स्वागत मन्तब्य र सचिव गोकुल कडेलको संचालनमा सम्पन्न भएको थियो ।
जिसीलाई पत्रकारिता पुरस्कार
पोखरा रोयल सहकारी संस्था लिमिटेड कास्कीले स्थापना गरेको रोयल क्षेत्रीय सहकारी पत्रकारिता पुरस्कार २०७२ बाट बागलुङका पत्रकार तथा सहकारीकर्मी रामबहादुर जि.सी. पुरस्कृत भएका छन । पत्रकारिताको माध्यमबाट सहकारी क्षेत्रको विकासमा पु¥याएको योगदान कदर गर्दै जिसीलाई रोयल क्षेत्रीय सहकारी पत्रकारिता पुरस्कार प्रदान गरिएको संस्थाले जनाएको छ ।
सहकारीको १५ औं वार्षिक साधारणसभामा प्रमुख अतिथि राष्ट्रिय सहकारी संघका सञ्चालक प्रभा कोइराला र संस्थाका अध्यक्ष मेजर तुलसीप्रसाद गुरुङले जिसीलाई नगद तथा सम्मान पत्र सहित पुरस्कृत गरेका थिए । पश्चिमाञ्चल विकास क्षेत्रमा रहेर सहकारी क्षेत्रको प्रवद्र्धनमा उत्कृष्ट योगदान गर्ने एक जना पत्रकारलाई प्रदान गरिने पुरस्कारको राशी नगद ५ हजार ५ सय ५५ रहेको छ ।