बागलुङ, ५ जेठ- बागलुङको जैमिनी नगरपालिका मेयरमा नेपाली काग्रेसका ईन्द्रराज पौडेल निर्वाचित भएका छन । एमाले जनमार्चा सहित सयुंक्त प्यानलबाट उम्मेदवार बनेका जनमोर्चाको नरबहादुर पुनलाई १०६ मतअन्तर पछि पार्दै मेयर पदमा निर्वाचित भएका हुन । पौडेलले ५३५६ मत प्राप्त गरेका थिए । उनलाई पछ्याउँदै जनमोर्चाका उम्मेदवार नरबहादुर पुनले ५२५० मत प्राप्त गरेका थिए ।
त्यस्तै उपमेयरमा एमालेकी उम्मेदवार लिला राना विजयी भएकी छिन । उनले ४७४० मत प्राप्त गर्दै विजयी भएकी हुन । उनकी निकटतम प्रतिष्पर्धी नेपाली काग्रेसकी कौशिलादेवी विकले ४६४८ मत प्राप्त गरेकी थिइन । १० वडा रहेको नगरपालिकामा वडा नं १ मा नेपाली काग्रेसका भुपेन्द्र सापकोटको प्यानल विजयी भएको छ । वडा नं २ मा नेपाली काग्रेसका लक्ष्मी सापकोटाको प्यानल विजयी भएको छ ।
