पर्वत, ५ जेठ-बैशाख ३१ गते भएको स्थानिय तहको निर्वाचनको मतगणना पर्वतमा सम्पन्न भएको छ । जिल्ला निर्वाचन कार्यालय पर्वतका अनुसार बिहीवार साँझ पर्वतका सातवटै स्थानिय तह र ६१ वटै वडाको मतपरिणाम सार्वजनिक भैसकेको हो । पछिल्लो परिणाम अनुसार नेकपा एमालेले एक नगरपालिका र तीन गाउँपालिका गरी ४ तहमा जीत हात पारेको छ भने नेपाली काङग्रेसले १ नगरपालिका र २ गाउँपालिका सहित नीन तहमा बिजयी भएको छ । पर्वतमा नेकपा एमाले र काङग्रेस बीचनै प्रतिस्पर्धा भएको थियो । कुश्मा नगरपालिकाको प्रमुख पदमा नेपाली काङग्रेसका रामचन्द्र जोशी बिजयी भएका छन् । उनले ८,०५७ मत प्राप्त गरि बिजयी हुनुभएको हो भने उहाँका प्रतिस्पर्धि नेकपा एमालेका मेघनाथ सुवेदीले ७,२३९ मत प्राप्त गरेका थिए । कुश्मा नगरपालिकाको उपप्रमुखमा नेपाली काङग्रेसकै सिता काफ्ले लामिछानेले ८,४१९ मत प्रप्त गरि बिजयी भएकी छिन् । उनकी प्रतिस्पर्धि नेकपा एमालेकी मुवादेवी शर्माले ७,०२३ मत पाएकी छिन् । फलेवास नगरपालिकामा नेकपा एमालेका पदमपाणी शर्माले ६,१०३ मत प्रप्त गर्दै प्रमुख बिजयी भएका छन् । उनका निकटतम प्रतिद्वन्द्वी नेपाली कांग्रेसका गंगाधर तिवारीले ५,६५५ मत प्राप्त गरेका थिए । उक्त नगरपालिकाको उपप्रमुखमा एमालेकै मञ्जु अधिकारीले ५,९५४ मत प्रप्त गर्दै बिजयी भएका थिएभने उनकी प्रतिस्पर्धी नेपाली कांग्रेसकी रेखा गुरुङले ५,६४९ मत प्राप्त गरेकी छिन् । उता दक्षिणको महाशिला गाउँपालिकामा नेकपा एमालेका राजु पौडेल २,४५३ मत प्राप्त गर्दै बिजयी भएका छन् । उनका प्रतिस्पर्धि नेपाली काँग्रेसका उज्जवल गुरुङले २,०१० मत प्राप्त गरेका थिए । उपाध्यक्षमा नेकपा एमालेकै हिरादेवी थापा २,४८२ मत प्राप्त गर्दै बिजयी भएकी छिन् । उनकी प्रतिस्पर्धी नेपाली काँग्र्रेसकी सृजना मल्ल ठकुरीले १,९९१ मत प्राप्त गरेकी छिन् । त्यसैगरी बिहादी गाउँपालिकाको प्रमुखमा एमालेका कमल भुषालले २,४२० मत प्राप्त गर्दै बिजयी भएका छन् । उनकी निकटतम प्रतिद्वन्द्वी नेपाली काँग्रेसका प्रवीण गुरुङले २,२१७ मत प्राप्त गरेका छन् । उपप्रमुखमा एमालेकी डम्मरकुमारी. गुरुङ बिजयी भएकी छिन् । उनले २,३१५ मत प्राप्त गरेकी छिन्भने नेपाली काँग्रेसकी बिष्णुकुमारी खड्काले २,२८९ मत प्राप्त गरेकी थिइन । मोदी गाउँपालिकामा एमालेका प्रेम प्रसाद पौडेलले ५,६३४ मत प्राप्त गर्दै बिजयी भएका छन् । उनका प्रतिस्पर्धि नेपाली काँग्र्रेसका बिश्वप्रकाश प्रसाईले ३,८१९ मत पाएका थिए । उपाध्यक्षमा एमालेकै सेती महतले ५,३९९ मत प्राप्त गर्दै बिजयी भएकी छिन्भने निकटतम प्रतिद्वन्द्वी नेपाली काँग्र्रेसकी मिना केसीले ३,८३४ मत पाएकी थिइन । उत्तरी पर्वतको जलजला गाउँपालिकाको प्रमुखमा नेपाली काँग्र्रेसका यामबहादुर मल्लले ३,७३३ मत पाउँदै बिजयी भएका छन् । उनका प्रतिस्पर्धि नेकपा एमालेका लालबहादुर अधिकारीले ३०६८ मत पाए । उपप्रमुखमा काँग्र्रेसकी सिमा पुनले ३,६८८ मत प्राप्त गर्दै बिजयी भइनभने एमालेकी अनिता शर्माले ३,६५७ मत पाएकी थिइन । दक्षिण पर्वतको पैँयू गाउँपालिकाको प्रमुखमा नेपाली काँग्र्रेसका खगेन्द्र तिवारी बिजयी भएका छन् । तिवारीले ३,४३१ मत पाउदाँ एमालेका मित्रलाल बस्यालले २,४४५ मत पाएका छन् । उपाध्यक्षमा पनि नेपाली काँग्रे्रसकी जसमति गुरुङले ३,१६८ मत प्राप्त गर्दै बिजयी भएकी छिन्भने एमालेकी गोमताकुमारी शर्माले २,४८४ मत प्राप्त गरेकी थिइन । पर्वतका २ नगरपालिका र ५ गाउँपालिकाका ३७ वटा वडाहरुमा एमाले बिजयी भएको छभने २० वडाहरुमा काँग्र्रेस र ४ वडामा माओवादी केन्द्र बिजयी भएको छ । पहिलो चरणको मतगणनाको सम्पन्न भइसकेपछि जिल्ला सभाको तयारीमा लागेको जिल्ला निर्वाचन कार्यालय पर्वतले जनाएको छ ।
