बागलुङ नगरको मेयरमा एमाले, उपमेयरमा राप्रपा

बागलुङ, ५ जेठ-बागलुङ नगरपालिकाको मेयरमा एमालेका जनक पौडेल र उपमेयरमा राप्रपाका सुरेन्द्र खड्का विजयी भएका छन् । बागलुङमा धेरैको कौतुहताका साथ हेरिएको बागलुङ नगरमा एमाले, राष्ट्रिय जनमोर्चा र राप्रपाका साझा उम्मेदवारहरुले विजयी प्राप्त गरेका हुन । बिहीबार दिउँसो सम्पन्न भएको मतगणना अनुसार मेयरमा नेकपा एमालेका जनक पौडेलले १२ हजार ३ सय ३१ मत प्राप्त गर्दै निर्वाचित भएका छन् । यस्तै उनका निकटतम प्रतिद्वन्द्वी नेपाली काँग्रेसका बसन्त कुमार श्रेष्ठले १० हजार ६७ मत प्राप्त गरेका थिए । यस्तै उपमेयरमा राष्ट्रिय प्रजातन्त्र पार्टी नेपालका सुरेन्द्र खड्का विजयी भएका छन् । उनले ११ हजार १ सय ८७ मत प्राप्त गर्दै निर्वाचित भएका हुन । उनका प्रतिद्वन्द्वी नेपाली काँग्रेसकी सकुन्तला शर्माले ९ हजार ४ सय ३१ मत प्राप्त गरेकी थिइन । बागलुङ नगरमा एमाले, राष्ट्रिय जनमोर्चा र राप्रपाबीच गठबन्धन भएको थियो भने केही वडामा माओवादी केन्द्रले कांग्रेसलाई सहयोग गरेको थियो । १४ वटा वडा रहेको बागलुङ नगरपालिकाका ११ वटा वडामा गठबन्धनले र तीन वटा वडामा कांग्रेसले जितेको छ । वडा नम्बर १, २, ४, ५, ६, ७, ८, ९, १० र १२ मा नेकपा एमाले र वडा नम्बर ३ मा राष्ट्रिय जनेमार्चा तथा वडा नम्बर ११, १३ र १४ मा नेपाली काँग्रेसले विजयी प्राप्त गरेका छन् ।
बागलुङका १ मात्र दलित मेयर नेपाली
बागलुङको ढोरपाटन नगरपालिकाको मेयर पदका विजेता देवकुमार नेपाली दलित समुदायबाट मेयरमा खाता खोल्ने पहिलो दलित मेयर बनेका छन् । बागलुङको वुर्तिवाङ्ग–१ घरभएका नेपाली नेकपा एमालेबाट ढोरपाटन नगरपालिको मेयर विजयी भएका हुन् । युवा अवस्था देखि वामपन्थी विचार राख्दै आएका नेपाली राजनीतिक क्षेत्रमा भन्दा पनि सामजिक क्षेत्रमा त्यस भेगमा प्रतिष्ठा कमाएका व्यक्ति हुन् । त्यहाँका विभिन्न विद्यालयमा निजी श्रोतमा शिक्षकहरु आफैले तलव खुवाएर राखेका र कम्पुटर कक्षा सञ्चालनका लागि समेत सहयोग गर्दै आएका नेपालीलाा ठुलो वाहुल्य रहेको त्यहाँको दलित समुदायले तपाई नै उठ्नु पर्छ भने पछि आफु एमालmेको तर्फबाट उमेदवारी दिएको बताउछन् । उमेदवार हुनु अघि कुनै वेला गाउँ वा यसरी मेयर बनुला भन्ने सोच्नु भएको थियो ? भन्ने प्रश्नमा उनले भने–‘ त्यस्तो तँ सोचेको थिईन् , सामाजिक क्षेत्रमा मात्रै काम गर्छु, कुनै पदका पछाडी लाग्दिन भनेको तर यसपालि यहाँका दलित समुदायले तपाई नै बन्नु पर्छ भनेर कर गरे पछि उठेको हुँ, जितियो पनि ।’ निकटतम प्रतिद्धन्द्धी नेपाली कांग्रेसका अर्जुन शेरचनलाई ७ सय भन्दा बढि मतको अन्तरले पराजित गरेर विजयी भएका उनले मेयरको तलव आफुले एक सुका पनि खर्च नगरेर त्यहाँको शैक्षिक विकासमा लगाउने घोषणा गरेका छन् । त्यस भेगमा दलित समुदायको ठुलो वाहुल्य रहेको र ति समुदायलाई शिक्षा स्वास्थ्य र समृद्धि तर्फ लैजान आफुले विशेष योजना बनाउने उनि बताउँछन् । ढोरपाटन क्षेत्रको पर्यटन विकासमा र त्यहाँको हरेक टोलमा मोटरवाटा बनाउने र स्तरोन्नती गर्ने आफ्नो खास एजेण्डा रहेको उनको भनाईछ ।