बागलुङ, २० वैशाख – माथिल्लो मुस्ताङको सुन्दर दृश्यमा छायाङ्कन गरिएको ‘म यस्तो गीत गाउँछु’को नयाँ गीत ‘भन्छु आज’ सार्वजनिक भएको छ। अन्जु पन्त र सुगम पोखरेलको स्वर रहेको गीतमा अर्जुन पोखरेलको सङ्गीत छ। गीतको शब्द फिल्मका निर्देशक सुदर्शन थापाले लेखेका हुन्।
सुदर्शन थापाको निर्माण तथा निर्देशनमा तयार भएको चलचित्रको ‘भन्छु आजै’ बोलको गीतको भिडियो नायिका पूजा शर्माको जन्मदिनको अवसर पारेर सार्वजनिक गरिएको हो। कविराज गहतराजको कोरियोग्राफी रहेको गीतका एरेन्जर महाराजा थापा हुन्। संजय लामाको छायाङ्कनमा माथिल्लो मुस्ताङ्गका लोभलाग्दा दृश्य कैद भएका छन्।
युवा पुस्ताको रोमान्टिक प्रेम कथामा बनेको ‘म यस्तो गीत गाउँछु’मा पल र पूजासहित सरोज खनाल, शोभित बस्नेत, सलोन बस्नेत लगायतका कलाकारले अभिनय गरेका छन्। फिल्म असार ३० मा सार्वजनिक हुनेछ।
Previous Articleरोनाल्डोको अर्को ह्याट्रिक
Next Article कथा – ‘मलाई कल्ले अम्स दिन्या ?’