बेनीमा फिल्म हल सञ्चालनको तयारी

अमृत बास्कुने
पछिल्लो समय देशमा राम्रा चलचित्रहरु निर्माण भै रहेको भए पनि म्याग्दीमा हल सञ्चालन नहुँदा समस्या भएका दर्शकहरुका लागि अब बेनीमै चलचित्र हल सञ्चालनमा आएको छ ।
बेनी नगरपालिका–८ बेनीका अनोद श्रेष्ठले शिब चलचित्र मन्दीर सञ्चालनमा ल्याउनु भएको हो । म्याग्दीमा हाल कुनै पनि चलचित्र हल नभएकोमा श्रेष्ठले आवश्यक प्रकृया पुरा गरेर हल सञ्चालनम ल्याउन लाग्नु भएको हो । सम्पूर्ण तबरले प्राविधिक कामहरु पुरा भएको छ अब मंलबारदेखि चलचित्र प्रदर्शन गरिन्छ– अनोद श्रेष्ठले जानकारी दिनुभयो ।
म्याग्दीमा लामो समय सम्म चलचित्र प्रदर्शन हुन सकेको थिएन । हल तथा अन्य प्राविधिक पाटोहरुले गर्दा केही ढिलाइ भएको भए पनि अहिले सबै प्रकृया पुरा भएकोले मंगलबार देखि हामीले नेपाली कथानाक चलचित्र सारंगी प्रदर्शन गरेर शुभारम्भ गर्दै छौं श्रेष्ठले भन्नुभयो । साउण्ड क्वालिटि र पिक्चर क्वालिटिका साथै सकभर आरामदायी बसाइको व्यवस्था सहित हल व्यवस्थापन भएकोले गर्दा चलचित्र हेर्न चाहने दर्शकहरुका लागि हामीले सेवा दिन आतुर छौं–उहाँले सुनाउनुभयो । हलमा चलचित्र हेर्नका लागि प्रतिक टिकट मुल्य दुई सय रुपियाँ निर्धारण गरिएको समेत उहाँले जानकारी दिनुभयो ।