बागलुङ, १४ भदौ – जिल्लाको नरेठाँटीको तोरीखोला गाउँ टमाटर खेतीमा आत्मनिर्भर बनेको छ । २०६९ सालसम्म बजारबाट टमाटर किनेर खाने गरेका उक्त गाउँका कृषकहरु यतिबेला टमाटर खेतितर्फ आकर्षित बनेका हुन् ।
गलकोटका सबैजसो ठाउँमा उत्पादन राम्रो भएपछि तोरीखोलाका कृषकहरुले ब्यवसायिक टमाटर खेती गरेका छन् । टमाटर खेतीबाटै नरेठाँटी–८ तोरीखोलाका अगुवा कृषक बिरबहादुर घर्तिले बार्षिक २ देखि ४ लाखसम्म आम्दानी गर्दै आएका छन् ।
‘पहिले बजारदेखि किनेर गाउँमा टमाटर ल्याउने गथ्यौ’ घर्तिले भने– ‘अहिले आफैले उत्पादन गर्न थालेपछि गाउँमा पुगेर समेत बजारमा बिक्री बितरणका लागी पठाउने गरेका छौ ।’ घर्तिसँगै जितबहादुर पुनले समेत ब्यवसायिक टमाटर खेती गरेका छन् ।
गाउँलाई टमाटरमा आत्मनिर्भर बनाउने उदेश्यले हालसम्म करिब धेरै कृषकहरुले टमाटर खेती गरेको शान्ति युवा बिकास मञ्च तोरीखोलाका अध्यक्ष मनोज पुनले बताए ।
स्थानिय स्तरमा उत्पादन गरेको टमाटर ताजा र स्वादिलो हुने भएकाले बजार क्षेत्रबाट टमाटर किन्न छोडेको पुनको भनाई छ । तोरीखोलाका कृषकले उत्पादन गरेको टमाटर स्थानिय घर गाउँसँगै नरेठाँटी, हटियामा बिक्री बितरण हुँदै आएको छ ।
Previous Articleविद्युत विस्तार हुँदै
Next Article सिरबारे प्राविमा दलित विद्यार्थी मात्रै
