बागलुङ, १४ भदौ – जिल्लाको दुदिलाभाटी गाबिसमा केन्द्रिय प्रसारण लाईन बिस्तारको कार्य अगाडि बढेको छ । विद्युत वितरण केन्द्र बागलुङले आर्थिक बर्ष २०७२ सालमा बिनियोजन गरेको रकमले ५ सय मिटर तार तान्ने र ११ वटा पोल गाड्ने कार्य सम्पन्न गरेको छ । केन्द्रले टेण्डर आव्हन गरि नरेठाँटीदेखि कार्य अगाडि बढाएको थियो ।
त्यस्तै दुदिलाभाटी गाबिसको ९ लाख र १ लाख बराबरको स्थानिय जनश्रमदानबाट ४५ वटा पोल खरिद गरि प्राधिकरणले पु¥याएको ठाउँदेखि दुदिलाभाटीको ढुंगासाहुसम्म पोल गाड्ने कार्य सम्पन्न भएको दुदिलाभाटी केन्द्रिय बिद्युतिकरण उपभोक्ता समितिका सचिव जिवन भण्डारीले बताए ।
सचिव भण्डारीले दिएको जानकारी अनुसार, प्राधिकरण बागलुङले दिएको ३ किलोमिटर तार खेतधनीहरुले धान काटेसँगै स्थानियको सहयोगमा तार तान्ने कार्य अगाडि बढाईने बताईएको छ ।
प्राधिकरणले ३ किलोमिटर तार दिएपनि त्यसलाई तिन भागमा बिभाजन गर्दा १ किलोमिटर मात्र हुने उनको भनाई छ । समितिले यसबर्ष परिक्षणका रुपमा दुदिलाभाटी गाबिसको एउटा वडामा बिद्युत बाल्ने र त्यसपछि अन्य वडामा बितरण गर्ने लक्ष्य लिएको छ ।
गाबिसको वडा नम्बर २ को सबैजसो भागमा यसअघिनै केन्द्रिय बिद्युत पुगेपनि अन्य वडामा पनि स्थानिय उत्पादनको लाईन बिस्तार भएको छ । केन्द्रिय लाईनको बिस्तारसँगै उद्योग, ब्यापार ब्यवसाय, आधुनिक प्रबिधि सञ्चालनमा सहयोग पुग्ने स्थानियले बिश्वास लिएका छन् ।
