बाल विकास केन्द्रको अध्यक्षमा राजभण्डारी

बागलुङ, ७ भदौं – विद्यामन्दिर पुस्तकालय बागलुङमा सञ्चालित बाल विकास केन्द्रको व्यवस्थापन समिति पुर्नगठन भएको छ । सोमवार बसेको अभिभावक भेलाले पुस्तकालय अध्यक्ष राजेशचन्द्र राभजण्डारीको अध्यक्षतामा ११ सदस्यीय समिति चयन गरेको छ ।
जसको उपाध्यक्षमा केन्द्रका सहजकर्ता रीता शर्मा रहेका छन् । सदस्यमा उमा सुवेदी, रामप्रसाद उपाध्यय, राम थापा ‘अविरल’, रामचन्द्र शर्मा, गोविन्दप्रसाद वझा, मञ्जु केसी, कृष्णप्रसाद गौतम, पुष्पा सापकोटा, शान्ता पौडेल र शर्मिला पन्त रहेका छन् ।
सो अवसरमा केन्द्रका बालबालिकालाई ‘टिफिन बक्स’ समेत वितरण गरिएको थियो ।
भेलामा बोल्दै अध्यक्ष राजेशचन्द्र राजभण्डारीले केन्द्रमा बालमैत्री वातावरण निर्माणको लागि यथाशक्य प्रयासहरु गरिएको बताए ।
उनले बालबालिकालाई गुणस्तीय सिकाइको अवसर दिन पुस्तकालयले केन्द्रको व्यवस्थापनलाई प्राथमिकतामा राखेको धारणा राखेका थिए । अभिभावकको तर्फबाट बोल्दै शान्ता पौडेलले बाल विकास केन्द्रबाट आफूहरु सन्तुष्ट रहेको प्रतिक्रिया दिएकी थिइन् ।
स्तरीय हुँदाहुँदै पनि केही सुधार गर्नुपर्ने पक्ष रहेको भन्दै उनले सिकाई कोठालाई व्यवस्थित गराउन सुझाव दिएकी थिइन् । केन्द्रका सहजकर्ता रीता शर्माले बालबालिकाको भविष्यप्रति समर्पित भएर कार्य गरिरहेको बताइन् । केन्द्रमा हाल १५ जना बालबालिका छन् ।