रिलायबल नेपाल लाइफ इन्स्योरेन्सले धौलागिरी एरियाका अभिकर्ताहरुका लागि उत्प्रेरणा कार्यक्रम सम्पन्न गरेको छ ।
रिलायबल नेपाल धौलागिरी एरियाको आयोेजनामा बागलुङमा भएको कार्यक्रममा बागलुङ, म्याग्दी, पर्वत तथा मुस्ताङ क्षेत्रका अभिकर्ताहरुको सहभगिता रहेको इन्स्योरेन्सका एरिया म्यानेजर देवेन्द्र घिमिरेले जानकारी दिनुभयो । आफ्नो क्षमता विकासका साथै कसरी दिगो तबरले काम गर्न सकिन्छ भन्ने सन्दर्भमा कार्यक्रममा जानकारी गराइएको उहाँको भनाईछ ।
कार्यक्रम रिलायबल नेपाल लाइफ इन्स्योरेन्सका बरिष्ठ सहायक महाप्रवन्धक दिपेशबाबु तिवारीको प्रमुख आतिथ्यतामा सम्पन्न भएको थियो ।
