बेनीमा जारी जिल्ला लिग क्रिकेटको फाइनलमा रिभरसाइड बगरफाँट र रत्नेचौर क्रिकेट क्लब भिड्ने भएका छन् । लिग चरणको अन्तिम दिन शुक्रबार रत्नेचौरले म्याग्दी क्रिकेट क्लबलाई दुई विकेटले पराजित गर्दै अंक तालिकामा चार अंक सहित फाइनल प्रवेश गरेको थियो । त्यस्तै बेनी नगरपालिकालाई एक विकेटले पराजित गर्दै रिभरसाइड बगरफाँट फाइनलमा प्रवेश गरेको हो ।
दोश्रो चरणको खेल समाप्त हुँदा चार टिमकै समान दुईदुई अंक भए पछि अन्तिम चरणको खेल सेमीफाइनल जस्तै भएको थियो । समान चारचार अंक भएका रिभरसाइड बगरफाँट र रत्नेचौर क्रिकेट क्लब फाइनल प्रवेश गर्दा समान दुई दुई अंक भएका म्याग्दी क्रिकेट क्लब र बेनी नगरपालिका भने बाहिरीएका छन् । क्रिकेटको फाइनल खेल शनिबार बिहान ९ बजे देखि शुरु हुने जिल्ला क्रिकेट संघ म्याग्दीका अध्यक्ष प्रविण पौडेलले जानकारी दिनुभयो ।
