नेकपा एमाले रघुगंगा गाउँपालिका कमिटीको दोश्रो अधिवेशनको अवसरमा गत स्थानिय तह निर्वाचनमा रघुगंगा गाउँपालिकामा नेकपा एमालेका तर्फबाट उम्मेदवार भएका पार्टीका नेताहरुलाई कदरपत्रले सम्मान गरिएको छ । साथै सोही अवसरमा अन्य पार्टी छाडेर नेकपा एमालेमा प्रवेश गर्ने विभिन्न व्यक्तिहरुलाई टिका लगाएर पार्टीमा भित्राइएको छ ।
नेकपा एमालेकी स्थायी कमिटी सदस्य थममायाँ थापाले अविर तथा माला लगाएर रघुगंगा गाउँपालिका–६ का खड्ग दर्जी, २ नम्बर वडाका अर्जुन नेपाली, मिनबहादुर केसी, हर्कबहादुर कार्की, रिमबहादुर केसी, कमला कार्की, प्रकाश केसी, रक्षा कार्की, सुरत बहादुर भण्डारी र दिर्घबहादुर भण्डारीलाई एमाले पार्टीमा प्रवेश गराउनु भएको थियो । त्यस्तै १ नम्बर वडाबाट गिता मिजार ३ नम्बर वडाबाट जुना कार्की, कृष्ण खत्री सुवेदी, ओमबहादुर बिक, ऋषिबहादुर खत्री र सरस्वती खत्रीलाई पनि एमालेमा प्रवेश गराईएको छ ।
नेकपा एमालेको बिचार मन परेर एमालेमा समाहिन हुन चाहनु भएका नेपाली कांग्रेस, नेकपा माओवादी तथा नेत्र विक्रम चन्द बिपलब नेतृत्वको नेकपा माओवादी बाट एमालेमा प्रवेस गरेको नवनिर्वाचित आध्यक्ष झलक शर्माले बताउनुभयो । नेकपा एमाले प्रवेश गर्नेहरुलाई एमालेको स्थायी कमिटी सदस्य थममायाँ थापा, केन्द्रीय सदस्य नरदेवी पुन, प्रदेश कमिटीका सचिवालय सदस्य हरिकृष्ण श्रेष्ठ, सदस्य खुम बानियाँ तथा खरमायाँ बिटालु, एमाले जिल्ला कमिटी अध्यक्ष बालकृष्ण सुवेदीलगायतले टिका तथा माला लगाएर स्वागत गर्नुभएको थियो ।
शर्माका अनुसार गएको स्थानियतह निर्वाचनमा गाउँपालिकाको अध्यक्ष, उपाध्यक्ष तथा वडा अध्यक्ष र सदस्यपदमा उम्मेदवार हुनुभएका सबै जनालाई कदपत्रले सम्मान गरिएको हो ।
स्थानिय तहको निर्वाचनका उम्मेदवारलाई सम्मान साथै पार्टी प्रवेश गरायो नेकपा एमालेले
Previous Articleमंगला गाउँपालिकाको अधिवेसनको तयारी पुरा
Next Article नक्साङ्कनको त्रुटिले खानेपानी आयोजना निर्माण रोकियो