नेपाल कम्युनिष्ट पार्टी (एमाले)मंगला गाउँपालिका कमिटीको दोश्रो अधिवेवसनको सम्पूर्ण तयारी पुरा भएको छ । नेकपा एमाले मंगला गाउँपालिका कमिटीका कार्यवाहक अध्यक्ष चिरञ्जिवि शर्माका अनुसार अधिवेशनको सबै तयारी पुरा भएको छ ।
पूर्व मन्त्री नरदेवी पुनको प्रमुख आतिथ्यतामा हुने कार्यक्रमका लागि आवश्यक सबै तयारी सकिएको एमाले गाउँपालिका कमिटीका उपसचिव चक्रलाल पाण्डेले बताउनुभयो । मंगला गाउँपालिकामा नेकपा एमालेले गएका दुई वटै स्थानियतह निर्वाचनमा बहुमत सहित गाउँपालिका अध्यक्ष उपाध्यक्ष जित हासील गरेको अवस्थामा यही आफ्नो बिरासत जोगाउँदै पार्टीलाइ अझै मजबुत बनाउने खालको जुझारु नेतृत्व चयन गर्नका लागि पनि अधिवेशन सफल हुने मंगला गाउँपालिका कमिटीका निवर्तमान अध्यक्ष सतप्रसाद रोकाले बताउनुभयो ।
अधिवेशनका लागि आवश्यक प्रतिनिधि चयन, आर्थिक, प्रगति तथा सांगठनिक प्रतिवेदन तयारीका साथै स्वागतका लागि आवश्यक तयारी समेत पुरा भएको कार्यवाहक अध्यक्ष शर्माले बताउनुभयो । अधिवेशनलाई सभ्य तथा भव्य रुपमा सम्पन्न गर्नका लागि हामीले कुनै पनि कसर बाँकी राख्दैनौं, पार्टीको सदस्य तथा शुभचिन्तकहरुले अधिवेशनलाई सफल बनाउनका लागि आ–आफ्नो ठाउँबाट प्रयास गरी रहेको उहाँको भनाई थियो ।
