पोखराको विभिन्न स्थानमा रहेका बिद्यालयका बिद्यार्थीहरु शक्ति समूहले शैक्षिक सामग्री बितरण तथा मानव बेचबिखन बिरुद्धको अन्तरक्रिया गरेको छ ।
कुँडहर आधारभुत विद्यालय र सहारा बाल अधारभुत विद्यालयमा गैरसरकारी सस्था शक्ति समुहले ओ.यू. आर. को सहयोगमा मानब बेचबिखनको बद्लिदो स्वरुप तथा अनलाइनबाट हुन सक्ने बालयौन शोषणलगायतका विषयमा विद्यार्थी, शिक्षक, र अभिभावकहरुसँगको अन्तक्रिया गरेको हो । अन्तरक्रिया कार्यक्रममा एक सय १२ जना विद्यार्थीहरु, १६ जना शिक्षक र १७ जना अभिभावहरुकाे सहभागीता रहेकाे शक्ति समूहकी गण्डकी प्रदेश सयोजक सरिता पौडेलले जानकारी दिनुभयाे । शक्ति समुहले २ दशक भन्दा बढी समय देखि मानवबेचविखन विरुद्धको सवालमा काम गर्दै आइरहेकोले त्यस्ता गतिबिधिका बिरुद्ध पैरबी गर्नु पनि संस्थाको कार्य हो । त्यस्तै पोखरा महानगरपालिकाको विभिन्न स्थानका आठ वटा विद्यालयमा शैक्षिक सामग्री सहयोग समेत गरेको उहाँको भनाइछ ।
शक्ति समूहले जोखिममा परेका बालिकाकाे उद्धार र पुन स्थापना गर्नुका साथै मानब बेचबिखनको बद्लिदो स्वरुप तथा अनलाइनबाट हुन सक्ने बालयौन शोषणलगायतका विषयमा समेत पैरबी गर्दै आएको छ ।
