कस्केली अधिकृत समाज कास्कीले संस्थाका पूर्व कोषाध्यक्ष टेकबहादुर कुँवरलाई एक समारोहका बीच स्वागत तथा सम्म्मान गरेको छ ।
अधिकृत समाज स्थापनापछि दोस्रो कार्यकाल २०६५ सालदेखि २०६७ सालसम्म कोषाध्यक्ष रहेर संस्थालाई गतिशील तुल्याउन पु¥याएको योगदानको स्मरण गर्दै कुँवरलाई सम्मान गरिएको हो ।
पछिल्लो समय अमेरिकामा बसोबास गर्दै आएका कुँवरको नेपाल आगमनको सन्दर्भ पारेर संस्थाले उक्त कार्यक्रम आयोिजना गरेको हो ।
कुँवरले स्थापना कालमा संस्थालाई अगाडि बढाउन जे जस्ता अप्ठ्यारा परे तापनि हाल संस्थाले गति लिएकोमा आफूलाई सन्तोष मिलेको बताए ।
सो अवसरमा कुँवरले समय र परिस्थितिले परदेशमा रहन परे तापनि स्वदेशको माया र आफूले योगदान दिएका संघसंस्थालाई जीवन्त राख्न आफ्नोतर्फबाट सक्दो सहयोग गर्ने प्रतिबद्धतासमेत व्यक्त गरे ।
कस्केली अधिकृत समाजका संस्थापक कोषाध्यक्ष दुर्गाबहादुर शाह बाबाले टेकबहादुर कुँवरले संस्थामा रहँदा गरेको योगदान र लगाएको गुन कहिल्यै नभुल्ने बताए ।
समाजका सल्लाहकार देवेन्द्र केसीले सामाजिक संघसंस्था स्थापना ठूलो कुरा नभएको तर त्यसका गतिविधिले नै संस्थाको जीवन्तता देखाउने भएकाले अधिकृत समाज नाम जस्तै काम गरेर अगाडि बढेको देख्दा खुसी लागेको धारणा राखे ।
संस्थाका सचिव महेश पौडेलले संस्थाले स्मारिका, भित्तेपात्रो प्रकाशन, अध्ययन, अवलोकन भ्रमण, स्वास्थ्य सचेतना जस्ता कार्यक्रमलाई वार्षिक कार्ययोजना बनाएर अगाडि बढेको जानकारी गराए ।
कार्यक्रममा राष्ट्रिय समाचार समितिका गण्डकी प्रदेश प्रमुख बासुदेव पौडेल, अधिवक्ता चित्रबहादुर अधिकारी, स्वतन्त्र पत्रकार संघ कास्कीका अध्यक्ष असफल गौतमलगायतले बोलेका थिए ।
अध्यक्षको आसनबाट बोल्दै संस्थाका अध्यक्ष चन्द्रबहादुर सुवेदीले संस्थालाई आजको अवस्थामा पु¥याउन योगदान दिएका अग्रज र पूर्व पदाधिकारीहरूको योगदानलाई संस्थाले चिरस्मरणीय बनाउन निरन्तर लाग्ने प्रतिबद्धता व्यक्त गरे ।
