नेपाल पत्रकार महासंघ जिल्ला शाखा म्याग्दीका संस्थापक अध्यक्ष अग्रज पत्रकार घनश्याम खड्कालाई मातृशोक परेको छ । खड्काकी ७२ वर्षीया आमा गुमा खड्काको शुक्रबार निधन भएको हो ।
गुमा जेठ ३२ मा अन्नपूर्ण गाउँपालिका- ६ घारस्थित आफ्नै घरको आँगनमा लडेर घाइते हुनुभएको परिवारले जनाएको छ । उहाँलाई उपचारका लागि पोखरा लगीएको भए पनि उपचार हुन नसकेपछि बिहीबार पोखराबाट अस्पतालले फिर्ता पठाइएको थियो । त्यस पछि बेनी अस्पताल म्याग्दीमा उपचार भै रहेकोमा शुक्रबार बिहान निधन भएको बेनी अस्पतालले जनाएको छ । खड्काका २ छोरा र ४ छोरी छन् ।
घनश्याम खड्काले म्याग्दी जिल्लबाट कान्तिपुर मिडिया ग्रुपमा उपसम्पादकको रुपमा कार्यरत रही रिपोर्टीङ गर्दै आउनुभएको छ । पत्रकार खड्काकी आमाको शुक्रबारै अन्त्यष्टी गरिएको छ ।
