अमृत बास्कुने
बेनी नगरपालिकाका नगर प्रमुख सुरत केसीले महिलाहरुले आफू उद्यमशिलतामा लाग्नका लागि प्रयास गरेको र उहाँहरुलाई सिप सिक्न चाहेको खण्डमा नगरपालिकाले प्रयास गर्ने बताउनुभएको छ ।
आफूले सिकेको सिपलाई जहिले नगदमा रुपान्तरण गरिन्छ तब मात्रै आत्मनिर्भर हुने भएकाले सिप सिक्न चाहनेहरुले आफ्नो स्थानीय तहमा सम्पर्क गरेर आफूले चाहेको सिपको बारेमा जानकारी गराएमा स्थानीय तहले सिप सिकाउने बताउनुभयो । सिवाईसी नेपाल लघुबित्त बित्तिय संस्थाले बेनी नगरपालिका–९ गलेश्वरमा आयोजना गरेको वित्तीय साक्षरता सम्बन्धी कार्यक्रममा बोल्दै उहाँले अन्य लघुवित्त भन्दा सिवाईसीको भूमिका र व्यवहार फरक देखेको बताउँदै पहिला योजना बनाएर मात्रै ऋण लगानी गर्ने गरेकोले यस्तो कार्य थप व्यवस्थीत हुनु पर्ने बताउनुभयो ।
नगरप्रमुख सुरत केसीको मन्तव्य
कार्यक्रममा म्याग्दी उद्योग बाणिज्य संघका द्वितिय उपाध्यक्ष लिलाराम गौतम, गलेश्वर शिवालय क्षेत्र बिकास कोषका उपाध्यक्ष बमबहादुर पुनले मन्तव्य राख्नु भएको थियो ।
कार्यक्रममा उत्कृष्ट पेवा बचतकर्ता घराम्दीकी किलमायाँ रन्तिजा, उत्कृष्ट बालबचतकर्ताको तर्फबाट राम्चेकी प्रिया गर्बुजा, उद्यमी सदस्यको तर्फबाट दिलमायाँ घताने, असल ऋणि प्रतिक्षा कँडेल, उत्कृष्ट सदस्य देवी बुढालाइ सम्मान गरीएको थियो । त्यसैगरी गलेश्वर शाखा मातहतमा रहेका आत्मनिर्भर महिला केन्द्रहरु मध्ये तीन वटा केन्द्रलाई प्रथम, द्वितिय र तृतीय स्थानको उत्कृष्ट पुरस्कार प्रदान गरिएको थियो ।
कार्यक्रममा सिवाईसीका संस्थापक मदन थापा, केन्द्रहरुको प्रतिनिधित्व गर्दै कालिगण्डकी आत्मनिर्भर महिला केन्द्रका मनिषा पुन श्रेष्ठ, उद्यमी सदस्य दिलमायाँ घताने, गोल्डेन सदस्यहरुको तर्फबाट देवी बुढाले मन्तव्य राख्नुभएको थियो ।
लघुवित्तका प्रवन्ध संचालक डोलिन्द्रप्रसाद शर्माको अध्यक्षतामा भएको कार्याक्रमको संचालन संस्थाका प्रवन्धक संगिता शर्मा पौडेलले गर्नु भएको थियो । हाल देशभर ९३ शाखा रहेको सिवाइसी नेपाल लघुबित्तले २०७८ मा म्याग्दीमा रहेको शालिग्राम लघुबित्तलाई प्राप्ती गरेको थियो ।
