महिलालाई व्यवसायीक बनाउन जोड दिनुपर्छ :रोका

अमृत बास्कुने
मंगला गाउँपालिकाका अध्यक्ष सतप्रसाद रोकाले ग्रामिण भेकका महिलाहरुलाई आत्मनिर्भर र व्यवसायीक बनाउन पर्ने बताउनुभएको छ ।
सिवाईसी नेपाल लघुबित्त बित्तिय संस्थाले आयोजना गरेको वित्तीय साक्षरता सम्बन्धी कार्यक्रममा बोल्दै रोकाले ग्रामिण भेकका महिलाहरुलाई उनीहरुको बनाएको व्यवसायीक योजना हेरेर लगानी गरि आत्मनिर्भर तथा व्यवसायीक बनाउन पर्नेमा जोड दिनुभएको हो । कार्यक्रमका प्रमुख अतिथी समेत रहनुभएका रोकाले लघुवित्त कार्यक्रमले विना धितो कर्जा प्रवाह गर्दा लगानि उठ्न सक्ने अवस्था छ वा छैन एवम् नलागी गरेपछि व्यवसायीक बनेर उनीहरुले ऋण तिर्न सक्ने कसरी बन्लान् भन्ने तर्फ पनि लघुबित्तले ध्यान दिनु पर्ने बताउनुभयो ।
कार्यक्रममा नेपाल काङग्रेस जिल्ला कार्य समिति सहसचिव श्रीराम पौडेल, मंगला गाउपालिका वडा नं. २ का अध्यक्ष धन वहादुर खाती, वडा नं ३ का अध्यक्ष यमवहादुर रोकालगायले धारणा राख्नु भएको थियो ।

सिवाईसी नेपाल लघुवित्त वित्तीय संस्था लि. शाखा कार्यालय बावियाचौरको आयोजनमा भएको केन्द्र प्रमुख उप–प्रमुख गोष्ठी तथा वित्तीय साक्षरता कार्यक्रममा लघुवित्तका प्रवन्ध संचालक डोलिन्द्रप्रसाद शर्माले सदस्यलाई प्रदान गर्ने विभिन्न वित्तीय तथा गैह्र वित्तीय सेवा सुविधाहरुको वारेका जानकारी दिनुभएको थियो । शर्माले संस्थावाट परिचालन गरिएको कर्जा सदुपयोग गर्न तथा कर्जाको भाखा नाघेका सदस्यहरुलाई सम्वन्धित शाखा कार्यालय सँग आवश्यक समन्वय गरी कर्जा भुक्तानी तथा वचत वृद्धिमा सकृय रहन आग्रह गर्नु भएको थियो ।
कार्यक्रममा आर्थिक वर्ष २०७८÷०७९ मा उत्कृष्ट स्थान हासिल गर्ने केन्द्र तथा उद्यमी सदस्य, उत्कृष्ट वचत कर्ता र उत्कृष्ट सदस्यलाई नगद तथा प्रमाण पत्रले सम्मान गरिएको थियो । प्रगतिशिल आत्मनिर्भर महिला केन्द्रका सदस्य झ माया पुनको २ लाख २५ हजार कर्जा मिनाहा गर्नुका साथै वालौटे आत्मनिर्भर महिला केन्द्रका सदस्य सरस्वती थापाका श्रीमानको मृत्यु राहत सुविधा वापत १० हजार रुपियाँ राहत वितरण गरिएको थियो ।

लघुवित्तका प्रवन्ध संचालक डोलिन्द्रप्रसाद शर्माको अध्यक्षतामा भएको कार्याक्रमको संचालन संस्थाका प्रवन्धक संगिता शर्मा पौडेलले गर्नु भएको थियो । हाल देशभर ९३ शाखा रहेको सिवाइसी नेपाल लघुबित्तले २०७८ मा म्याग्दीमा रहेको शालिग्राम लघुबित्तलाई प्राप्ती गरेको थियो ।