आगामि मंसिर ४ गते हुने निर्वाचनलाइ लक्षित गरेर राप्रपाको उम्मेदवार सहितको टोलीले बेनी नगरपालिकाको पात्लेखेत र वाखेत एवम् रघुगंगा गाउँपालिकाको झिँ मा मतदाता भेटेको छ ।
प्रतिनिधिसभा उम्मेदवार जगत गौचन सहितको टोलीले गरेको भेटघाटमा अहिले मुलधारमा रहेका ठुला पार्टीहरुबाट मुलुकमा बिकास निर्माणका कामहरु सोचे जस्तो हुन नसकेकोले अब राप्रपाको नेतृत्व आवश्यक रहेको मतदाताले बिचार राखेका थिए ।
अहिलेको अवस्थामा गाउँमा बिकास हुन नसकेकोले राप्रापाको नेतृत्व आउन पर्ने जनताले बताएको राप्रपाका प्रतिनिधिसभा उम्मेदवार जगतप्रसाद गौचनले बताए । राप्रपाको भविष्य राम्रो देखिएकोले अब जनताले अहिले रहेका भन्दा फरक पार्टी खोजेको कारणले पनि यस पटकको निर्वाचनमा म्याग्दीमा राप्रपाको जित आवश्यक हुने गौचनको भनाइ छ ।
मुलुकको बिकासका लागि आफ्नो क्षेत्र बुझेको मानिसले नेतृत्वमा आउन पर्ने मतदाताले बताएको गौचनको भनाइ छ । गौचनले भने पञ्चायत काल देखिनै राजनैतिक परिवारको मानिस हामी भएको जनतालाइ राम्रो ज्ञान भएकैले पहिला भिमप्रसाद गौचन हुँदा जिल्लाको बिकास भएको हुनाले अब जगतको नेतृत्व चाहिएको जनताको चाहना रहेको जानकारी दिए ।
