सलमानसँग ब्रेकअपको चर्चा : यसो भनिन् लुलियाले

एजेन्सी,५ मंसिर – भारत छाडेर रोमानिया पुगेकी लुलिया बन्तुरले आफूले भारतमा धेरै कुरा सिकेको भन्दै खान परिवारको प्रशंसा गरेकी छन् । सलमान र लुलियाको ब्रेकअप भएको समाचार सार्वजनिक भएलगत्तै सार्वजनिक लुलियाको यो अभिव्यक्तिले लुलिया– सलमानको पुनर्मिलनको संकेत देखिएको छ ।
‘भारत गएर मैले धेरै सिकेँ,’ उनले भनेकी छिन् । आफूले प्राय छोटो लुगा लगाएर हिँड्न प्रसंगमा उनले भनिन्, ‘गल्लीमा हिँड्दा छोटो लुगा नलगाउ भनेर मलाई सलमानले सिकाए । उनले सिकाएको आइडिया मन पर्यो ।’
साथै उनले एउटै घरमा बस्ने भारतीय समाजको पनि प्रसंशा गरिन् । सलमानकी आमा र बहिनीले आफूलाई माया गर्ने गरेको पनि उनले पटकपटक सम्झना गरिन् । उनी रोमानियाकी प्रसिद्ध मोडल एवम् कार्यक्रम प्रस्तोता हुन् ।