बेनी नगर कमिटीको सचिवालय र विभाग गठन

नेकपा एमाले बेनी नगर कमिटीको दोस्रो पूर्ण बैठक शुक्रबार सम्पन्न भएको छ । बैठकले एमालेको दशौँ केन्द्रीय महाधिवेशनमा सहभागी, सचिवालय गठन, पार्टी सदस्यता विस्तार तथा अद्यावधिक, वडा कमिटीको वैठक, आर्थिक विभाग गठनलगायत प्रस्तावहरुमा छलफल गरी निर्णय गरेको हो ।
आउँदो मंसिर १० देखि १२ गतेसम्म चितवनमा सम्पन्न हुन गैरहेको दशौं केन्द्रीय महाधिवेशनमा बेनी नगरपालिकाबाट ५०० जना सहभागी बनाउने निर्णय गरेको छ । नेकपा एमाले बेनी नगर कमिटी अध्यक्ष नारायण जिसीको अध्यक्षतामा सम्पन्न बैठकले २१ सदस्यीय सचिवालय कमिटी पनि गठन गरेको छ ।
सचिवालय कमिटीमा ५ जना पदाधिकारीसहित कृष्ण बोगटी, नारायणबहादुर कार्की, दिलबहादुर थापा, बिष्णु गुरुङ, बलबहादुर परियार, दिपेन्द्र केसी, मुक्ति खड्का, कृष्णदत्त पौडेल, बिमल रिजाल, भावना पौडेल, टकसरा राना, हरि सुवेदी, विजय चोखाल, रुद्र रेग्मी, सञ्जिव मल्ल, भोजबहादुर रिजाल रहेको नगर कमिटी सचिव सुवास विश्वकर्माले जानकारी दिए ।
यसैगरी सचिवालय सदस्य टकसरा रानाको संयोजकत्वमा भोजबहादुर रिजाल, हिराबहादुर कटुवाल, सुनिता केसी, नवीना रावल, भावना पौडेल र हरि सुवेदी सदस्य रहेको ७ सदस्यीय आर्थिक विभाग पनि गठन गरिएको सचिव विश्वकर्माले बताए । त्यस्तै वैठकले सचिव विश्वकर्मालाई सङ्गठन विभाग प्रमुख र सदस्य बिमल रिजाललाई प्रचारप्रसार प्रमुखको जिम्मेवारी दिने निर्णय गरेको छ ।
एमाले नगर कमिटीको सल्लाहकारमा बेनी नगरपालिका–६ अर्थुङ्गेका वडा अध्यक्ष समेत रहेका एमाले नेता कृष्णसिंह बानियाँ रहेका छन् । सचिवालय सदस्य विष्णु गुरुङलाइ महिला विभाग, उपाध्यक्ष लिलाराम गौतमलाई उद्योग तथा वाणिज्य विभाग, सहसचिव लक्ष्मण कटृवाललाई युवा परिचालन विभाग र सहसचिव हिराबहादुर थापालाई जनसम्पर्क विभागको जिम्मेवारी दिइएको अध्यक्ष नारायण जिसीले बताए ।