नेत्रबिक्रम चन्द ‘विप्लव’ आउँदै

आउँदो मंसिर ८ गते म्याग्दीको सदरमुकाम बेनीमा नेपाल कम्युनिष्ट पार्टीका महासचिव नेत्रबिक्रम चन्द विप्लव आउने भएका छन् । मगर मुक्तिमोर्चा नेपालको चौथो राष्ट्रिय सम्मेलनलाई सम्बोधन गर्न विप्लव म्याग्दी आउन लागेको शुक्रबार आयोजित पत्रकार सम्मेलनमा जानकारी गराइएको हो ।
मगर मुक्तिमोर्चा नेपालको हालै नवलपुरमा सम्पन्न तेस्रो पूर्ण वैठकको निणर्यअनुसार पार्टी पुनसर््थापना दिवसको अवसर पारेर मंसिर ८ देखि १० गतेसम्म म्याग्दीको बेनीमा चौथो राष्ट्रिय सम्मेलनको आयोजना गरिएको सम्मेलन आयोजक समितिका संयोजक गमबहादुर श्रीसमगरले जानकारी दिए ।
सम्मेलनलाई सभ्य र भव्य तरिकाले सम्पन्न गर्न विभिन्न उपसमितिहरु गठन गरी तयारी सुरु गरिएको श्रीसले बताए । मंसिर ८ गते बिहान ११ बजेदेखि विभिन्न झाँकी र जुलुससहित बेनीबजार परिक्रमा गरी खुल्लामञ्चमा उद्घाटन गरिने तथा ९ र १० गते बन्दसत्र जिल्ला समन्वय समिति म्याग्दीको सभाहलमा सम्पन्न गरिने भएको छ ।