१० औं महाधिवेशनको संघारमा रहेको नेकपा एमालेको पालिका अधिवेशनहरु पनि सकिने क्रममा रहेका छन् । म्याग्दीका ६ मध्ये ५ पालिकामा सर्वसम्मत रुपमा कमिटी गठन भएको छ । म्याग्दीका मंगला, मालिका, धौलागिरी र रघुगंगा गाउँपालिकाको ९ गते नै नेतृत्व चएन भएको भए पनि बेनी नगरपालिकामा भने १० गते राती मात्र चयन भएको थियो । नयाँ निर्वाचित नेकपा एमाले बेनी नगर ११ गते बिहीबार सपथ ग्रहण गराईएको छ ।
अधिवेशनबाट अध्यक्ष नारायण जिसी, उपाध्यक्ष लिलाराम गौतम, सचिव सुवास बिश्वकर्मा, उप–सचिव हिरा बहादुर थापा र लक्ष्मण कटुवाल चयन भएका छन् । बेनी नगरकमिटिमा ७५ सदस्यीय नगर कमिटी चयन भएको छ । बिहिबार पार्टी कार्यालय हाँडेभिरमा आयोजित कार्यक्रममा निर्बाचन मण्डलका संयोजक रामप्रसाद सुवेदीले सर्वसम्मत रुपमा चयन भएको नगर कमिटीका सदस्यहरुको नामावली औपचारीक रुपमा घोषणा गरेपछि नेकपा एमाले म्याग्दीका अध्यक्ष हरिकृष्ण श्रेष्ठले पद तथा गोपनियताको सपथ ग्रहण गराएका छन् ।
भर्खरै निर्वाचित भएका अध्यक्ष जिसीले पार्टीको नेतृत्व लिएर आउँदै गरेका तीन वटा निर्वाचनमा पार्टीलाई पहिलो शक्तिका रुपमा स्थापित गर्नका लागि नै हरदम प्रयास हुने बताए ।
