अमेरिकी चुनावः क्लिन्टन भन्दा ट्रम्प अगाडि

काठमाडौं, २४ कात्तिक -अमेरिकी राष्ट्रपति निर्वाचनको मत परिणाम आउन क्रम जारी छ । प्रारम्भीक मत गणनामा डेमोक्रेटिक पार्टीकी उम्मेदवार हिलारी क्लिन्टनले अग्रता लिएपनि अहिले रिपब्लिकन पार्टीका डोनाल्ड ट्रम्प अगाडि छन् ।
५० राज्यमध्ये २८ को मत परिणाम आएको छ । र, ट्रम्पले १६८ इलेक्टोरल भोट जितेका छन् ।  हिलरीले भने १२२ भोट जितेकी छन् । पछिल्लो पटक हिलरीले भर्जिनिया जितेकी छिन् । यसले उनलाई केही राहत दिएको छ ।
पछिल्लो पटक नतिजा आएकोमा ओहायोमा टम्प बिजयी भएका छन् । यो उनको लागि महत्वपूर्ण जित हो । ओहायोमा सुरु देखिनै क्लिन्टनले लिड गरेकी थिइन् तर, अन्तिममा ट्रम्पले बाजी मारेका हुन् । ५३८ इलेक्टोरल कलेजमा राष्ट्रपतिमा निर्वाचित हुन २७० भोट चाहिन्छ ।