लिस्वन पोर्चुगल — पोर्चुगलका लागि नेपालका राजदूत महामहिम प्रकाशमणि पौडेलले पोर्चुगलको लिस्बनस्थित राष्ट्रपतिको आधिकारिक निवास बेलेम प्यालेसमा सोमबार दिउँसो आयोजित एक औपचारिक समारोहमा पोर्चुगलका राष्ट्रपति मार्सेलो नुनो डुवार्टे रेबेलो डे सुसा समक्ष आफ्नो ओहोदाको प्रमाणपत्र बुझाउनु भएको छ। यो सँगै नेपालीहरुमा सेवा सहजता हुने देखिएको छ,
कार्यक्रममा राजदूत पौडेलले राष्ट्रपति महामहिम मार्सेलो रेबेलो डे सुसासँग भेटवार्ता गरेका थिए । उक्त कार्यक्रममा राष्ट्रपति सुसाले पोर्चुगलका लागि नेपालको पहिलो राजदूतमा नियुक्त हुनु भएकोमा राजदूत पौडेललाई बधाई दिँदै नेपाल र पोर्चुगल बीचको विद्यमान द्विपक्षीय सम्बन्धलाई अझै सुमधुर बनाउन सफलताको लागि कामना गर्नुभएको थियो ।
राजदूत पौडेलले राष्ट्रपतिलाई नेपालका राष्ट्रपति माननीय रामचन्द्र पौडेलको शुभकामना र शुभकामना व्यक्त गर्दै महामहिम राष्ट्रपतिबाट नेपाल सरकार र पोर्चुगलका जनता प्रति नेपाल सरकार र जनताको सद्भावनाको शुभकामना व्यक्त गर्नुभएको थियो।
नेपाल र पोर्चुगलबीचको द्विपक्षीय सम्बन्धको अवस्थाप्रति खुशी व्यक्त गर्दै राजदूत पौडेलले आगामी दिनमा नेपाल र पोर्चुगलबीचको जनसम्पर्क लगायत समग्र सहकार्यलाई थप मजबुत बनाउनुपर्नेमा जोड दिएका थिए ।
महामहिम सुसाले पोर्चुगलमा रहेका नेपाली डायस्पोराको मेहनती र मिलनसार स्वभावको प्रशंसा गर्दै भाषिक अवरोधलाई पार गरे पछि पोर्चुगल समाजमा सजिलै आत्मसात हुने आशा व्यक्त गर्नु भयो।
समारोहमा परराष्ट्र सचिव महामहिम नुनो साम्पायो, महासचिव महामहिम फ्रान्सिस्को रिबेरो टेल्स, दूतावासका द्वितीय सचिव रामबाबु नेपाल लगायत परराष्ट्र मन्त्रालयका उच्चस्तरीय अधिकारीहरुको उपस्थिति रहेको थियो ।
राष्ट्रपतिलाई ओहोदाको प्रमाणपत्र पेस गरेपछि लिस्वन स्थित नेपाली राजदुतावासको केही प्रक्रियाहरू बाँकी रहेकाले, बाँकी प्रक्रियाहरु छिट्टै पुरा भएपछि छिट्टै कार्य सञ्चालन गर्ने भएको छ। यद्यपि दूतावासले सेवा कहिलेदेखि सुरु गर्छ भन्ने अहिलेसम्म एकिन हुन छैन। राजदुतावास स्थापना भए सँगै पोर्चुलमा रहेका नेपालीहरुले भोग्दै आएको जन्मदर्ता प्रमाणपत्र ,विवाह दर्ता,पुलिस चारित्रिक प्रमाणपत्र लगाएत झेल्दै आएको समस्याको समाधान हुने कुरामा पनि नेपाली समुदायहरु विश्वत रहेका छन्
