म्याग्दीको सदरमुकाम बेनीमाबोक्सी अर्थात् सामाजिक कु–प्रथाअन्त्यको महाअभियान अन्तर्गत निर्माण गरिएको चलचित्र ‘अग्निदहन’ प्रदर्शन भएको छ । गण्डकी प्रदेश सरकारको सामाजिक विकास मन्त्रालयको समन्वय र मान्छे बोक्सी हुन्न कहिल्यै राष्ट्रिय जागरण प्रतिष्ठान नेपालको आयोजनामा सोमबार एक कार्यक्रमका बीच सो चलचित्र प्रदर्शन गरिएको हो ।
मान्छे बोक्सी हुन्न कहिल्यै राष्ट्रिय जागरण प्रतिष्ठान नेपालले निर्माण गरेको चलचित्र ‘अग्नीदहन’को परिकल्पना प्रतिष्ठानका अध्यक्ष कोविदशरण उपाध्यायले गरेका थिए । घनश्याम लामिछानेको निर्देशन रहेको चलचित्रमा प्रकाश घिमिरे, अनुपमा भण्डारी, माउसे गुरुङ तथा प्रमिला तुलाचनको मुख्य अभिनय रहेको छ । गुरुङ धामीको भूमिकामा देखिएको छन् भने तुलाचन बोक्सीको भूमिकामा।
कार्यक्रममा प्रमुख जिल्ला अधिकारी लीलाधर अधिकारीले मान्छे बोक्सी नभएको बताउँदै बोक्सी प्रथा नेपालको कानुनमा प्रतिबन्धितभएको जानकारी दिए । अशिक्षा, गरिबी र अन्धविश्वा सकाकारण समाजमा बोक्सी प्रथासँगै विभिन्न कु–प्रथा मौलाएको उनको भनाइ छ । निर्दोष नागरिकले बोक्सीको नाममा अकालमै ज्यान गुमाउनुको साथै समाजबाट तिरस्कृत हुनु दुःखद् भएको बताए । बोक्सी प्रथासँगै अन्य विभिन्न कुरिती अन्त्यकालागि विद्यालय तथा जनस्तर बाट जनचेतना फैलाउनु पर्ने जोड दिँदै प्रजिअ अधिकारीले बोक्सीको नाममा अपमान गर्ने जो कोहीलाई पनि कानुनी रुपमा कारवाही हुने बताए ।
कार्यक्रममा चलचित्रका परिकल्पनाकार उपाध्यायले कोही पनि बोक्सी हुन नसक्ने भन्दै अशिक्षा, बेरोजगारी, अन्धविश्वास काकारण बोक्सी प्रथाले समाजमाजरो गाडेको रयसको अन्त्यका लागि आफूहरुले महाअभियान चलाएको जानकारी दिए । संस्थाका संरक्षक भूवनेश्वर शर्मा पौडेलले नेपाली समाजमा व्याप्त रहेको बोक्सी कुप्रथाको अन्त्यका लागि चलचित्र निर्माण गरिएको बताउँदै म्याग्दी सहित २२ जिल्लामा चलचित्र प्रदर्शन गरिएको बताए । गण्डकी प्रदेशको सामाजिक विकास मन्त्रालयको समन्वयमा मनाङ बाहेक सबै जिल्लामा चलचित्र प्रदर्शन गरिने आयोजकले जनाएको छ ।
बेनीमाबोक्सीविरुद्धको ‘अग्नीदहन’फिल्म प्रस्तुत
