म्याग्दी सदरमुकाम समेत रहेको बेनी नगरपालिकाले आयोजना गरेको नगर स्तरीय अन्तर माध्यामिक विद्यालय प्रथम राष्ट्रपती रनिङ शिल्ड प्रतियोगिता माउण्ट एभरेष्ट आवसीय माध्यामिक विद्यालयले जितेको छ । कुल ४८ स्वर्णका लागि भएको प्रतियोगितामा १९ स्वर्ण, ३ रजत र १३ कास्यसहित माउण्ट एभरेष्टले राष्ट्रपती रनिङ शिल्ड हात पारेको हो । त्यस्तै १० स्वर्ण, १४ रजत र १२ कास्य सहित न्यू वेष्ट प्वाइन्ट आवसिय माविले दोस्रो स्थानमा र ६ स्वर्ण, १० रजत र १ कास्यगरी प्रकाश माविले तेस्रो स्थान हातपारेको छ ।
प्रतियोगिताको एथलेटिक्स तर्फ न्यू वेष्ट पोईन्टका छात्र तेजिन घर्तीले सर्वाधिक स्वर्ण पदक हात पारेका छन् भने उनले २ रजत र २ कास्य पदक हात पारे । घर्तीले एकल इभेन्ट तर्फ आफू सहभागी तीन वटै विधा र रिले गरी ४ स्वर्ण हात पारेका थिए । त्यस्तै राष्ट्रिय माध्यमिक विद्यालय नेप्टेचौरका छात्र आर्य खत्रीले २ स्वर्ण र एक रजत पदक र माउण्टका प्रज्वल शेरचनले करातेको फाइटमा एक र काँतामा एक गरी २ स्वर्ण हात पारे ।
प्रतियोगिताको भलिवलतर्फ छात्र छात्रा दुवै इभेन्टमा माउण्ट एभरेष्ट आवासिय माध्यमिक विद्यालयले न्यू वेष्ट प्वाईन्टलाई नै पराजित गरी स्वर्ण हात पदक हात पारे ।
राष्ट्रपति रनिङ शिल्ड प्रतियोगिता–२०७५ मा भलिबल, कबड्डी, एथलेटिक्स तथा मार्सल आर्ट तर्फ उसु, कराँते र तेक्वान्दो समावसे गरीएको थियो । माउण्टले कराँतेमा क्लीन स्वीप अर्थात छ वटै स्वर्ण, उसुमा तीन स्वर्ण र तेक्वान्दोमा तीन स्वर्ण तथा भलिबल र कबड्डीमा दुई दुई स्वर्ण हात पारेको थियो । त्यस्तै एथलेटिक्स तर्फ तीन स्वर्ण हात पारेको माउण्टले समग्रमा १९ स्वर्ण सहित नगरस्तरीय पहिलो राष्ट्रपति रनिङ शिल्डमा कब्जा जमायो ।
