महायज्ञमा सहयोग गर्ने क्रम जारी

बागलुङ, ६ कात्तिक – कालीगण्डकी बागलुङ कालिका धार्मिक तथा शैक्षिक महोत्सव एवम् बिद्या मन्दिर धन धान्याञ्चल ज्ञान महायज्ञको तेस्रो दिन शुक्रबार ९ लाख ७६ हजार ३ सय २८ रुपैयाँ संकलन भएको छ ।
महायज्ञमा शुक्रबार बा.न.पा.–२ निवासी दिव्यधर आचार्यले ५ लाख ४० हजार ५ रुपैयाँ प्रदान गरेका छन् । यसैगरी, बा.न.पा.–२ का मोहनबहादुर श्रेष्ठले १ लाख २ हजार, बा.न.पा.–४ का सुर्यलक्ष्मी शाक्यले ५५ हजार ५ सय ५५, हिलका देवबहादुर श्रेष्ठ र सिन्धुर श्रेष्ठले ५१ हजार १ सय ५, हिलका माया बस्नेतले ५१ हजार १ सय ११, बा.न.पा.–४ का हरिमाया श्रेष्ठले ५१ हजार १ सय ११, बा.न.पा.–२ का नारायणदत्त उपाध्यायले ५१ हजार ५, चितवन रत्न नगरका समिधा मिलन श्रेष्ठले ३१ हजार ५ सय ५५, शालिग्राम कँडेलेले २५ हजार ५ सय ५५, बा.न.पा.–२ का रामप्रसाद श्रेष्ठले २५ हजार ५ सय ५, बा.न.पा.–४ का माधनप्रसाद श्रेष्ठले २५ हजार ५ सय ५, बा.न.पा.–३ का धर्मराज शाक्यले २५ हजार ५ सय प्रदान गरेको महायज्ञ मूल आयोजक समितिका महासचिव डिल्लीराज गौतमले जानकारी दिए ।
धौलागिरीको सवैभन्दा पुरानो बिद्यालय बिद्यामन्दिर माविको बिनाशकारी महाभूकम्पले क्षतिग्रस्त भवन पुर्ननिर्माण र शैक्षिक गुणस्तर बृद्धिका लागि आयोजना गरिएको महोत्सवको पहिलो दिन करिब ४ करोड रुपैयाँ संकलन भएको थियो भने दोस्रो दिन बागदान सहित करिव १६ लाख नगद संकलन भएको बिद्यालयका प्रधानाध्यापक जगन्नाथ आचार्यले बताए ।
सुविधा सम्पन्न २५ कोठाको भवन निर्माणका लागि संचालन गरिएको महायज्ञमा हाल सम्म २४ कोठा निर्माणका लागि बागदान भएको उनले बताए । महायज्ञमा बागदान गर्नेहरुलाई भगवानको स्वर्ण प्रतिमा भएको आधा तोलाको लकेटले सम्मान गरिनुका साथै दाताले तोकेको व्यक्तिको नामवाट सम्वन्धीत कोठाको नामाकरण गरिने व्यवस्था गरिएको छ ।
२०७२ साल बैशाख १२ गते गएको महाभूकम्प र २९ गते गएको पराकम्पनले  बिद्यालय भवन क्षतिग्रस्त भएपछि पठन पाठनमा समस्या हुँदै आएको छ । महायज्ञमा गोविन्दशरण महाराज र ले कथाबाचन गरेका छभने मीरादेविले संगितमय प्रबचन तथा कथा बाचन गरेका छन् ।