काठमाडौँ, २ कात्तिक – अख्तियार दुरुपयोग अनुसन्धान आयोगका प्रमुख आयुक्तमा लोकमानसिंह कार्कीको नियुक्ति विरुद्ध परेको मुद्दाको पुनरावलोकन मुद्दा करिव एक महिनाको लामो प्रयासपछि तामेल भएको छ।
असोज ५ गते सर्बोच्चबाट जारी भएको सूचना टाँस गर्न सर्बोच्चको टोलीलाइ करिव एक महिनाको लामो प्रयासपछि मंगलबार बानेश्वरस्थित कार्कीको घरमा म्याद तामेल भएको प्रतिवेदन अदालतमा प्राप्त भएको छ । अब मुद्धा पेशीमा चढ्ने बाटो खुलेको छ । नियमानुसार म्याद तामेली भएको मिति कात्तिक १ गतेदेखि गणना हुनेगरी १५ दिन भित्रमा कार्कीले लिखित जवाफ दिनु पर्नेछ।
असोज ५ गते सर्बोच्चबाट जारी भएको सूचना टाँस गर्न सर्बोच्चको टोलीलाइ झण्डै १ महिना लाग्यो। मुलुकी ऐन र सर्बोच्च अदालत नियमावली अनुसार प्रतिवादीको डेरा, घर वा नजिकैको सार्वजनिक स्थलमा तामेली गर्न सकिने व्यवस्था छ।
कार्की र उनको परिवारले मुद्दा तामेल नगरेपछि अदालतले मुद्दा तामेल गराउने प्रक्रिया अगाडि बढाएको थियो। साथै तामेलदार समेत परिवर्तन गरेको थियो।
म्याद तामेल गर्न तामेल शाखाका प्रमुख हिरण्यराज भण्डारी र तामेलदार महेश ढकाल लागयतका व्यक्ति खटिएका थिए। उनीहरुले वडा सचिव सरिता राईको रहोबरमा म्याद तामेल भएको प्रतिवेदन सर्वोच्चमा दिएका हुन्।
बानेश्वरस्थित कार्कीको घरमा म्याद टाँस्न गएको सर्वोच्चको टोलीमाथि सोमबार अवरोध पुर्याएपछि दिउँसो टाँस गर्न सकिएको थिएन। वडा नम्बर १० की सचिव सरिता राईको रोहबरमा कार्कीलाई लिखित जवाफ पेश गर्नेगरी अबेर मात्रै तामेल गराइएको थियो। प्रधानन्यायाधीश सुशीला कार्की, विश्वम्भरप्रसाद श्रेष्ठ र सपना प्रधान मल्लको संयुक्त इजलासले गत असोज ३१ मा उत्प्रेषणयुक्त आदेश जारी गर्दै यसअघि सर्वोच्चले नै गरेको फैसला पुनरावलोकन गर्ने निस्सा प्रदान गरेको थियो।
