बागलुङ, २४ असोज-राष्ट्रपति विद्यदेबी भण्डारीले नेपालीहरुको महान पर्व बडा दशैं, तिहार, नेपाल सम्वत् र छठ २०७३ का अवसरमा शुभकामना दिदैं नेपालको संविधानमार्फत प्राप्त राजनीतिक, संवैधानिक एवम् सामाजिक उपलव्धिहरुको जगेर्ना गर्दै समुन्नत नेपाल निर्माणको अभियानमा अघि बढ्न आह्वान गरेकी छिन् ।
राष्ट्रपतिले शुभकामना सन्देशमा भनेकी छिन् – ‘अनेकतामा एकता र सबै जातजाति र धर्मावलम्बीहरुको साझा फूलवारीका प्रतीकको रुपमा रहेका हाम्रा चाडपर्वले हाम्रो भौगोलिक, धार्मिक, सांस्कृतिक, जातीय र भाषिक विविधतालाई आपसमा गाँसेर सामाजिक सद्भाव, राष्ट्रिय एकता र साझा नेपाली पहिचान कायम गर्नमा महत्वपूर्ण योगदान गरेका छन् । विभिन्न जात(जाति, समुदाय, भूगोल र धर्माबलम्वीका विशिष्ट परम्पराहरु हाम्रा अनुपम सांस्कृतिक वैभव, धरोहर र सहिष्णुताका रुपमा रहेका छन् ।’ 
राष्ट्रपति भण्डारीले हाल मनाइरहेको महान पर्व वडादशैं तथा विजयादशमीले हिमाल, पहाड, तराई- मधेश तथा पूर्व मेची देखि पश्चिम महाकालीसम्म बसोबास गर्ने भिन्नभिन्न जातजाति, वर्ण, भाषा, धर्म र सामाजिक एवम् सांस्कृतिक पहिचान बोकेका सबै नेपालीको लागि समान अवसरका ढोका खोली राष्ट्रिय एकता सुदृढ पार्न र सामाजिक सद्भाव एवम् क्षेत्र, क्षेत्र, जातजाति र समुदाय-समुदायबीच आपसी भातृत्व कायम गर्न समेत सफल रहोस् भनी कामना गरेकी छिन्।
समुन्नत नेपाल निर्माणमा अघि बढ्न आह्वान
