पर्वतमा बालिका दुलही हैनन् नीतिगत संवाद कार्यक्रम

पर्वत, १२ जेठ – जिल्लाको मोदी गाँउपालिकाका कार्यपालिकाका पदाधिकारी, सदस्य र कर्मचारीहरुलाई लक्षित गरेर सञ्चालन गरिएको बालिका दुलही होईनन् नीतिगत संवाद कार्यक्रम कार्यपालिकाको कार्यालय देउपुरमा शुक्रवार समपन्न गरिएको छ ।
कार्यक्रममा सहजिकरण गर्दै आमा मिलन केन्द्र नेपाल काडमाण्डौको केन्द्रीय नेटवर्कका अध्यक्ष बैजन्ती कार्कीले बालबिवाह अन्त्य गर्ने राष्ट्रिय रणनिति अनुसार कार्यक्रम सञ्चालन गरिएको जानकारी गराउदै बाल अधिकारको बारे प्रशिक्षण दिएका थिईन । उनले महिला समाज कल्याण मन्त्रालय अन्तरगत सरोकारवालाहरु र महिला संस्थाको संजालहरुले १४ वटा जिल्लामा बेसलाईन सर्भे गर्दा प्रदेश नं. ४ को पर्वत जिल्लामा १२ प्रतिशत बालबिवाह हुने गरेको तथ्यांक भेटिएकाले अब बिस्तृत सर्भे गरी कार्यक्रम अगाडि बढाईने वताईन ।
कार्यक्रममां सत्कर्म नेपालका अभियन्ता सिताराम थापाले नेपाल सरकारले १८ बर्ष मुनिको बालबिवाह हुने र २० बर्ष भित्र बिवाह गर्नु गैरकानुनी हुने कानुनी प्रावधान भएकाले यसको अन्त्य गर्न स्थानिय सरकारले ध्यान दिनुपर्ने वताए । उनले स्थानीय श्रोत परिचालन गरी नितिगत सहयोग र रणनितिक योजना तर्जुमा गर्न आफ्नो संस्थाले सहयोग गर्ने वताए ।
मोदी गाउँपालिकाका अध्यक्ष प्रेम पौडेलले गाउँपालिकाको ३ वटा वडालाई तुरुन्तै बालमैत्री वडा घोषणा गर्ने गरी कार्यक्रम अगाडि सारिएको वताउदै ५ बर्षे रणनितिमा यस गाउपालिकालाई बालबिवाह मुक्त गाउँपालिका घोषणा गरिने वताए ।
आमा मिलन केन्द्र बाग्लुङका अध्यक्ष ज्ञानु थापा मगरको अध्यक्षतामा समपन्न भएको कार्यक्रममा कार्यक्रम संयोजक अन्जु केसीले बालिका दुलही होईनन् नीतिगत संवाद कार्यक्रमको उदेश्यका वारेमा जानकारी गराएकी थिईन ।