बागलुङमा सातौं राष्ट्रपति रनिङ शिल्ड जारी

बागलुङ, १८ बैशाख– जिल्लामा जारी सातौं राष्ट्रपति रनिङ शिल्ड प्रतियोगिता अन्र्तगत सोमबार बिभिन्न ६ वटा खेल सम्पन्न भएका छन् । सोमबार भएको सटफुट प्रतियोगितामा धौलागिरी बहिरा आवासिय माविका नवराज गुरुङ प्रथम, सिगाना माबिका बलबहादुर चर्मकार दोस्रो र त्रिभुवन मावि पैञ्युपाटाका मनोज परियार तेस्रो भएका छन् ।
सटफुट छात्रातर्फ धौलागिरी बहिरा आवासिय माविका तिलादेवी गर्वुजा प्रथम, सिगाना माविका सोविना जिसी द्धितिया र अमर आदर्श माबिका अस्मी शेख तृतिय भएका छन् । लङ्जम्प छात्रातर्फ अमृत आवासिय माबिका मुना रेग्मी प्रथम, सिगाना माबिका रक्षा जिसी द्धितिय र त्रिभुवन माबिका प्रतिक्षा पाठक तृतिय भएका छन् । लङ्जम्प छात्रतर्फ धौलागिरी बहिरा आवासीय माबिका बैद्यनाथ चौधरी प्रथम, त्रिभुवन माविका मिलन परियार द्धितिय र अमृत आवासिय माविका सन्देश माझी तृतिय भएको आयोजकले जनाएको छ । त्यस्तै त्रिपल जम्पतर्फ त्रिभुवन माविका मिलन परियार प्रथम, सिगाना माविका सागर सार्की द्धितिय र धौलागिरी बहिरा आवासिय माविका बालकृष्ण शर्मा तृतिय भएका छन् ।
त्रिपलजम्प छात्रातर्फ अमृत आवासिय माविका मुना रेग्मी प्रथम, सिगाना माविका रक्षा जिसी द्धितिय र त्रिभुवन माविका प्रतिक्षा पाठक तृतिय भएको जिल्ला खेलकुद विकास समितीका अध्यक्ष धनबहादुर परियारले बताए । सोमबार नै भएको ज्याव्लीङ्ग थ्रो खेलमा मुलपानी माविका सौगात बोहरा प्रथम, पृथ्वी माविका सिमोन चुनारा द्धिदिय र चिल्ड्रेन लाईफ इन्ङ्लिस बोर्डिङ स्कुलका लोकेन्द्र पुन तृतिय भएका छन् । छात्रातर्फ न्यु एभरेष्ट एकेडमीका रितीका केसी प्रथम, धौलागिरी बहिरा आवासिय माविका मिना चोखाल द्धितिय र लक्ष्मी माविका सम्झना केसी तृतिय भएका छन् । त्यस्तै १ सय मिटर दौड छात्रतर्फ धौलागिरी बहिरा आवासीय माबिका संगम पाख्रिन प्रथम, चिल्ड्रेन लाईफका मनोज थापा द्धितिय र कालिका कन्या माविका मदन आले तृतिय भएका छन् ।
१ सय मिटर दौड छात्रातर्फ धौलागिरी बहिरा आवासिय माविका तिलादेवी गर्वुजा प्रथम, सिगाना माविका रक्षा जिसी द्धितिय र न्यु एभरेष्ट एकेडेमीका सोनिया परियार तृतिय भएको परियारले जानकारी दिए । त्यस्तै १ हजार ५ सय मिटर दौड छात्रातर्फ सिगाना माविका आरती जिसी प्रथम, त्रिभुवन माबिका सुप्रिया परियार द्धितिय र धौलागिरी बहिरा आवासियका सुनिता बरुवाल तृतिय भएका छन् । सोमबार दिउँसोदेखी परेको बर्षका कारण खेल प्रभावित भएको भएपनि प्रतियोगितालाई निरन्तरता दिईने अध्यक्ष परियारले बताए । बर्षाका कारण हिलाम्मे बनेको बाङ्गेचौर खेल मैदानका कारण प्रतियोगिताहरु सञ्चालन गर्न कठिन भैरहेको समितीले जनाएको छ ।