बागलुङ, २० असोज – नयाँ शक्ति नेपालका संगठन विभाग प्रमुख देवेन्द्र पौडेलले विकास र समृद्विको मुद्दामा राजनीतिक दल केन्द्रित नहुँदा नेपाली जनताको जीवनस्तर सुधारमा समस्या आएको बताएका छन् । नयाँ शक्ति नेपाल बागलुङले दशै र तिहारको अवसरमा बुधबार आयोजना गरेको शुभकामना आदानप्रदान तथ चियापान कार्यक्रम बोल्दै पौडेलले भने, ‘अहिलेसम्म प्राप्त भएका राजनीतिक उपलब्धीको संरक्षण गर्दै आर्थिक समृद्विको राजनीति वर्तमानको आवश्यकता छ ।’
बागलुङ जिल्लालाई पर्यटकीय जिल्लाको रुपमा विकास गर्न सम्पूर्ण राजनीतिक दल र स्थानीयवासी एकजुट हुनुपर्ने बताउँदै पौडेलले भने, ‘बागलुङ जिल्ला पर्यटकीय क्षेत्रमा प्रशस्त संभावना बोकेको जिल्ला हो, पर्यटन प्रर्वद्वन गरी आर्थिक समृद्विमा सबै पक्ष एक भएर लाग्नु पर्छ ।’ सो अवसरमा बोल्दै सांसद चम्पादेवी खड्काले चाडपर्वहरुलाई सामाजिक एकता र सदभावको कसी बनाउनु पर्नेमा जोड दिँदै चार्डपर्वलाई भड्किलो रुपमा मनाउन नहुने बताइन् ।
कार्यक्रममा नयाँ शक्ति नेपाल प्रदेश नम्बर ४ संयोजक बलावति शर्मा, कांग्रेसका सभापति दिपेन्द्रबहादुर थापा, एमालेका अध्यक्ष श्रीप्रसाद शर्मा, नेकपा माओवादी केन्द्रकी सदस्य भविकला रोका, राष्ट्रिय जनमोर्चाका अध्यक्ष अमरबहादुर थापा, राप्रपाका अध्यक्ष शैलेन्द्रकुमार श्रेष्ठ, संघीय समाजवादी पार्टी जिल्ला संयोजक विरबहादुर नेपाली, राप्रपाका जिल्ला अध्यक्ष नविन शेरपुर्जा मगर, क्रान्तिकारी माओवादीका जिल्ला संयोजक ऋषिराम रोका, प्रमुख जिल्ला अधिकारी भागिरथ पाण्डे, नेपाल पत्रकार महासंघ बागलुङ शाखाका अध्यक्ष मुकेशचन्द्र राजभण्डारी, सिवाईसी बागलुङका प्रतिनिधी सीता शर्मा लगायतले शुभकामना मन्तव्य व्यक्त गरेका थिए ।
कार्यक्रम नयाँ शक्ति नेपाल बागलुङ जिल्लाका संयोजक चित्र सापकोटाको अध्यक्षता, विद्यार्थी केन्द्रिय सदस्य प्रकाश केसीको स्वागत र जिल्ला सदस्य कृष्ण सापकोटाको सञ्चानमा सम्पन्न भएको थियो ।
आर्थिक समृद्विको मुद्दामा राजनीतिः पौडेल
