महासंघको भवन निर्माण अभियानलाई सहयोग प्रदान

बागलुङ, २४ फागुन– बिभिन्न सञ्चार माध्याममा पत्रकार महासंघको भवन निर्माण अभियानको बिषयमा समाचार पढेर प्रभावित भएका यहाँका एक व्यक्तिले महासंघ भवन निर्माणका लागि सहयोग गरेका छन् । बागलुङ नगरपालिका–२ का नरिश्वर शर्माले पत्रकार महासंघ भवन निर्माण अभियानलाई सघाएका हुन् । आफ्नो ६९ औं जन्मदिनको अबसरमा महासंघ भवन निर्माणका लागि भन्दै ५ हजार १ सय ८ रुपैयाँ पत्रकार महासंघको टोलीलाई घरमै बोलाएर शर्माले हस्तान्तरण गरेका थिए ।
टेलिभिजन र पत्रपत्रिकामा पत्रकार महासंघको भवन निर्माण अभियानबारे समाचारहरु आईरहँदा आफुलाई पनि अभियानमा जोडिन मन लागेर सहयोग गरेको शर्माले बताए । थोरै रकम भए पनि शर्माले देखाएको सद्भावले महासंघको अभियानमा फरक सन्देश दिएको पत्रकार महासंघका अध्यक्ष दिल शिरिषले बताए ।
शर्माले पत्रकार महासंघका पुर्व केन्द्रिय सदस्य हरिनारायण गौतम, पत्रकार महासंघका अध्यक्ष दिल शिरिष, आदिवासी जनजाति पत्रकार संघ बागलुङका अध्यक्ष संगम घर्तिमगर लगायतको टोलीलाई घरमै बोलाएर रकम हस्तान्तरण गरेका थिए । जन्मदिनको अवसरमा पत्रकार महासंघको भवन निर्माण अभियानलाई सम्झेको भएपनि रकम हस्तान्तरण गर्ने मौका नमिलेकाले मंगलबार रकम हस्तान्तरण गरेको शर्माले बताए ।