बागलुङ, ९ असोज – सातौँ राष्ट्रिय खेलकुद प्रतियोगिताको क्षेत्रीय छनोटका लागि जिल्ला खेलकुद विकास समिति बागलुङले जिल्ला छनौटतर्फ शनिबार ३ खेलका लागि खेलाडी छनोट गरिएको छ । जिल्ला खेलकुद विकास समितिले शनिबार आईटिएफ तेक्वान्दो, डिव्लुटिएफ तेक्वान्दो र भलिवलको लागि खेलाडी छनौट गरेको छ ।
क्षेत्रीय छनौट खेलको लागि आईटिएफ तेक्वान्दोमा ४५–५० देखि ८० केजी तौल समुहको खेलाडीहरु तर्फबाट पुरुष तर्फ ८ र महिला तर्फ ८ जनालाई छनौट गरिएको जिल्ला आईटिएफ तेक्वान्दो संघका सचिव नरबहादुर थापाले जानकारी दिए ।
आइटिएफ संघ बागलुङका अध्यक्ष सशबहादुर पुनको अध्यक्षतामा सम्पन्न भएको छनौट समारोहको उद्घाटन सत्रमा जिल्ला खेलकुद विकास समितिका अध्यक्ष धन बहादुर परियार र आईटिएफ तेक्वान्दो संघकी केन्द्रिय महासचिव अञ्जु रावलले शुभकामना मन्तव्य व्यक्त गरेका थिए ।
उक्त कार्यक्रमको स्वागत जिल्ला खेलकुद विकास समितिका सदस्य सचिव भिमसेन शाक्य र संचालन जिल्ला तेक्वान्दो संघ बागलुङका सचिव नर बहादुर क्षेत्रीले गरेका थिए ।
यस्तै शनिबारनै डिब्लुटिएफ तेक्वान्दोतर्फ पनि खेलाडीहरु छनौट गरिएको छ । जिल्लाबाट क्षेत्रीय छनौट प्रतियोगिताको लागि पुरुषतर्फ र महिला तर्फ खेलाडी छनौट गरिएको डब्लुटिएफ तेक्वान्दोका प्रशिक्षक नन्दु विष्टले जानकारी दिए ।
जिल्ला तेक्वान्दो संघकी कोषाध्यक्ष कल्पना श्रेष्ठको अध्यक्षतामा सम्पन्न भएको छनौट प्रतियोगिताकोको उद्घाटन सत्रमा जिल्ला खेलकुद विकास समिति बागलुङका अध्यक्ष धनबहादुर परियारले शुभकामना मन्तव्य व्यक्त गरेका थिए ।
उक्त कार्यक्रमको स्वागत टेक बहादुर आरसी र संचालन जिल्ला खेलकुद विकास समिति बागलुङका सदस्य सचिव भिमसेन शाक्यले गरेका थिए ।
यस्तै शनिबारनै क्षेत्रीय छनौट प्रतियोगिताको लागि जिल्ला छनौट तर्फ १६ जना भलिवल खेलाडीहरु छनौट गरिएको छ । भलिवलमा ४२ जना खेलाडीहरु सहभागिता रहेको जिल्ला खेलकुद विकास समिति बागलुङका सदस्य सचिव भिमसेन शाक्यले जानकारी दिए ।
Previous Article९ असोज २०७३, ढोरपाटन दैनिक
Next Article युनियन र लखनको साधारणसभा सकियो
