विश्व रेडियो संगठनद्वारा क्षतिग्रस्त रेडियो धादिङको निरिक्षण

हरिहरसिंह राठौर
धादिङ, ९ असोज – विश्व रेडियोहरुको छाता संगठनका पदाधिकारी लगायत विभिन्न प्रशारण संस्थाहरुले शनिबार क्षतिग्रस्त रेडियो भवन तथा उपकरणहरुको निरिक्षण गरेका छन् ।
विश्व रेडियो संगठनका सहअध्यक्ष मीनबहादुर शाहीको नेतृत्वमा विभिन्न संचारसँग आवद्ध अधिकारीहरुसहित जिल्ला आएको टोलीले शुक्रवार बिहान जिल्ला वन कार्यालयले भत्काएको रेडियो धादिङको भवन तथा क्षतिग्रस्त स्टुडियोको अवलोकन गरेको थियो ।
उक्त सामूहिक मिसनले प्रजिअ विश्वप्रकाश सुवेदीलाई भेटेर संचारमाध्यममा राति आक्रमण गरिएको बारे विरोध र बहस गरेको थियो । सहअध्यक्ष शाहीले भने, ‘लोकतान्त्रिक आन्दोलनका सहयात्री सामुदायिक रेडियोहरुलाई रातारात आक्रामक र छापामार शैलीमा तोडफोड गर्नुको औचित्य र कारण बारे सरकारसँग जवाफ माग गरिएको छ ।’

शाहीले राज्यका सबै अंगलाई सहयोग गर्ने सामुदायिक संचारमाध्यमलाई बन्द गराउने उदेश्य र नियतमाथि प्रश्न गर्दै संविधान प्रदत्त स्वतन्त्रता र सूचना तथा संचारको हकमा प्रतिवन्ध लगाउनु लोकतन्त्रकै उपहास भएको बताए ।
देशभरका सामुदायिक रेडियोहरुको छाता संगठन एकोरावका वरिष्ठ उपाध्यक्ष किशोरजंग थापाले भने, ‘मिसनले जिल्ला वन कार्यालयले वनजंगल मिचेर निर्माण भएको भवन भत्काउनुभन्दा पनि रेडियो स्टेसन ध्वस्त गर्न खोजेको प्रारम्भिक अध्ययनले दर्शाएको अनभूति भएको छ ।’
‘राति बन्द भएको रेडियो स्टेसनबाट सरसामान र उपकरण झिक्न समय नदिई छतमा राखिएका १८ वटा सोलार प्यानल समेत घनले हानेर तोडफोड गरिएको रहेछ,’ उनले भने ।
अध्ययन मिसनमा आएका राष्ट्रिय संचार सहकारीका अध्यक्ष विष्णुहरी ढकालका अनुसार तोडफोडको सरकारले नै जिम्मा लिएर रेडियो यथाशिघ्र प्रशारणमा ल्याउन स्थानीय प्रशाासनले नै मद्दत गर्नुपर्छ । 
‘सर्वोच्च अदालतमा विचाराधिन मुद्दालाई स्थानीय प्रशाासनले राति भत्काउनु संचारमाध्यममा भएको गम्भीर आक्रमणका रुपमा देशभरका संचारकर्मीहरुले लिएका छन्,’ मिसनमा आएका नेपाल पत्रकार महासंघका सचिव ध्रुव लम्सालले भने, ‘क्षतिग्रस्त उपकरणहरुको मुचुल्का समेत नगरी गैरजिम्मेवारी प्रदर्शन गरेको छ । बन्द रेडियो सोही भवनबाटै  पुन: प्रशारण गर्न उपकरणको क्षतिपूर्ति दिन हामी सरकारसाग माग गर्छौं ।’
मिसनले प्रमुख जिल्ला अधिकरीसाग विभिन्न प्रश्न गरेको थियो । सो प्रश्नहरुको जवाफ दिादै प्रजिअ सुवेदीले भने, ‘राज्यको सम्पति संरक्षण गर्न सरोकारवालाहरुलाई अतिक्रमित भवनमा रहेको रेडियो उपकरणहरु अन्त सार्न  बारम्बार लिखित र मौखिक आग्रह गरे पनि बलमिच्यार्इं गरी भवन खाली गर्न नमानेपछि भवन भत्काइएको हो । उक्त क्रममा केही क्षति भएको भए समिक्षा गरिने छ ।’