पाचौं बागलुङ महोत्सव आजदेखि, तयारी पुरा भयो– आयोजक

बागलुङ, १४ पूस– “कला संस्कृतिको संरक्षण, कृषि,पर्यटन, उद्योग तथा व्यापारको प्रवद्र्धन” भन्ने मुल नाराका साथ शुक्रवारदेखी बागलुङमा सुरुहुने पाँचौं बागलुङ महोत्सवको सम्पुर्ण तयारी पुरा भएको छ । महोत्सव मुल आयोजक समितीका संयोजक तथा बागलुङ उद्योग बाणिज्य संघका अध्यक्ष जयराम भारीले बिहिबार आयोजीत पत्रकार सम्मेलन मार्फत महोत्सवको सम्पुर्ण तयारी पुरा भएको जानकारी गराएका हुन् । महोत्सवको गैह्र आवासिय नेपाली महासंघका अध्यक्ष भवन भट्टले उद्घाटन गर्ने कार्यक्रम रहेको छ । राजनीतिक व्यक्तिलाई ल्याएर उद्घाटन गराउने चलनको क्रम भंग गर्दै व्यवसायिक व्यक्तिलाई ल्याएकोले महोत्सवको छुट्टै महत्व बढेको स्थानीयले बताए ।
बिहान १० बजेदेखि धवलागिरी बहुमुखी क्याम्पसबाट सांस्कृतिक झाँकी सहितको ¥यालीले बजार परिक्रमा गर्ने योजना छ । शुक्रबार दिउँसो १२ बजे महोत्सवको उद्घाटन गर्ने तयारी भैरहेको छ । बागलुङ बजारलाई बेहुली जस्तै सिंगारेर महोत्सवको उद्घाटन गर्नका लागि सबै टोल विकास समितिलाई छुट्टछुट्टै जिम्मा दिइएको छ । सबै टोलमा ध्वजापतका र तुल व्यानरले सिगारिएको छ । बागलुङमा अस्तित्वमा रहेका सबै जातीका संभव भए सम्मका संस्कृति झल्कने गरी नृत्य र झाँकी देखाईने कार्यक्रम समेत छ । उद्घाटनको क्रममा सामान्य झलक देखाएपनि महोत्सव भर ती नृत्यहरुको पूर्ण स्वरुप प्रदर्शनी गरिने बताइएको छ ।
महोत्सवका लागि सुरक्षा व्यवस्था कडा बनाइएको छ । दिनरात भर प्रहरीले सुरक्षा दिने व्यवस्था भएको निवर्तमान अध्यक्ष बसन्तकुमार श्रेष्ठले बताए । महोत्सवमा पुरुष तथा महिला भलिबल प्रतियोगिता, खुला लोक दोहोरी गीत तथा खुला नृत्य प्रतियोगिता पनि छ । दश दिनसम्म चल्ने महोत्सवमा १ सय ८२ वटा व्यपारिक स्टल राखिएको छ । अधिकांस स्टलमा धौलागिरी क्षेत्र भित्रका उत्पादन र कृषिका फसल राख्ने योजना बनाएको छ । त्यस्तै सोरठी, घाँटु, हनुमान नाँच लगायतका दर्जनबढी सांस्कृतिक महत्वका नृत्यलाई प्रर्दशनी गरिने योजना छ । धवलागिरी क्षेत्रका पर्यटकीय, धार्मिक र ऐतिहासिक क्षेत्र झल्कने फोटो प्रदर्शनी पनि मेलामा राखिएको छ । आर्कषणका लागि मरुभूमिमा पाईने उँट समेत प्रदर्शनीमा राखिएको छ । उक्त उूटले नेपाली भाषाका गीतमा नृत्य समेत देखाउने छ । महोत्सवमा आएका पाहुना र दर्शकलाई पर्यटकीय स्थानहरुमध्ये बागलुङ कालिका, पञ्चकोट र भकुण्डे घुमाईने तथा कम्तिमा एकरात होम स्टेहरुमा राख्ने व्यवस्था मिलाइएको श्रेष्ठले बताए ।